Figuracioni, forma, vija dhe paleta e përpunuar janë elementet kryesore të cilat e përbëjnë veprën figurative dhe, të gjitha këto i gjejmë në pikturën e artistit të edukuar.
Idriz Berisha – Xhixhi, i cili qëmoti ndërton artin e tij mbi bazën e kombëtarës nëpër kohë dhe hapësirë, duke i veçuar ngjarjet dhe njerëzit, të cilat dhanë një kontribut të jashtëzakonshëm për të sotmën tonë…
Kur flasim për artet pamore, na bëhët i pashmangshëm venerimi i veprave mirëfilli të ekzekutuara nga krijuesi i kultivuar, Idriz Berisha – Xhixhi. Në këtë fushë, ku mëtojmë të shpalosin krijimtarinë e artistit në fjalë, duhet thënë atë që shtjellon mendja e tij si produkt i kreacioneve artistikisht mirë të menduara. Pra, puna e tij lë gjurmë të pashlyeshme në panoramën kulturore tek ne dhe në hapësirat gjithandej botës së arteve figurative dhe, pa asnjë dyshim, vepra e Idrizit zë vendin meritor në xherdanin e kulturës kombëtare gjithandej botës shqiptare dhe më gjërë...
Piktura e Idrizit, në brendinë e saj ngërthen të kaluarën dhe të sotmën, duke i bërë të jetojnë në një simbiozë kohe, e cila shpërfaqet si një thirrmë e artistit për të kuvenduar shtruar me njerëzit e së djeshmës dhe të sotmës, e cila ndërthuret me imazhet e qëndresës dhe shtjellat e historisë nëpër kohë deri tek e sotmja ku thuren lavdia dhe klithmat e sakrificës për të qenë aty ku jemi. Në këtë kontekst, figuracioni, forma, vija dhe paleta e përpunuar janë elementet kryesore të cilat e përbëjnë veprën figurative të artistit respektiv, Berisha. Pra, të gkithë këta përbërës i gjejmë në pikturën e artistit tonë i cili qëmoti ndërton artin e tij mbi bazën e kombëtarës nëpër kohë dhe hapësirë, duke i veçuar ngjarjet dhe njerëzit, të cilat dhanë një kontribut të jashtëzakonshëm për të sotmën tonë… Së këndejmi, struktura figurative e aplikuar në ndërtimin e veprës artistike dhe formësimet kreative në veprën e Idrizit, nxjerrin në pah shprehjen dhe guximin për t`u shprehur me format dhe formatet veçane si koncepte të pranueshme, të cilat na japin një gjuhë të pastër figurative të vulosur nga dora e tij prej artisti të dëshmuar tash e sa kohë... Mbi këtë bazë, krijesi ynë, mjeshtërisht bën konceptin ideor për realizimin e veprës së tij në kuptimin kompozicional, ku narracioni figurativ mbështetet në pikën neuralgjike të një boshti kurrizor, të një etnie, e cila në veprat e Idrizit qëndron vërtikaslisht pa u përtokur asnjëherë. Pra, jo rastësisht, nëpër veprat e aristit tonë, përveç imazheve të kullës shqiptare si metaforë qëndrese, në tablotë e pikturuara hapërojnë herojntë e vatrës të përbashkët së bashku me humanistët e të njëjtit gjak dhe të njëjtit fis ndër më të vjetrit në Gadishullin Ballkanik. Në këtë kontekst figurativ, piktori lëshon thirrmën e tij për t`i bashkuar rrjedhat e gjakut në një pikë, gjithnë të arsyes së njejtë për të kominikuar artistikisht me figurat themeltare të veprës së tij, ku hynë: Skenderbeu, Nëna Tereze, Adem Jashari dhe të tjerë së bashku me rilindasit tanë. Vepra e tij ka një kolorit të përpunuar dhe asnjëherë pa të bardhën solemne si shenjë paqeje mes njerëzve dhe botës rreth nesh...