Në Viti, para një numri të madhë të aderuesve të fjalës së shkruar u përuruan tri vepra të autorit-shkrimtarit dhe veprimtarit Marjan Sebaj-Sopit : “ Dritë Shprese”, “Njeriu në mes Lirisë dhe Përgjegjësis” si dhe “Jehona e Folesë II”, kjo e fundit në bashkëautorësi me historianin vitias Nazif Laçin, janë titujt e tri veprave të shkrimtarin Marjan Sebaj-Sopi, që u propovuan në këtë ngjarje kulturore .
I pranishëm në këtë ngjarje kulturore ishte edhe kryetari I Komunës së Vitisë Sokol Haliti icili në fjalën e tij vlerësoi lartë krijimtarinë dhe opusin letrar të autorit. Kurse Vikari i Ipeshkvisë së Kosovës, Dom Lushë Gjergji ndër të tjera, tha se te gjitha ata që shkruajnë, janë shërbëtorë të së vërtetës dhe dashurisë.
E shkrimtari dhe redaktori Muzafer Ramiqi, paraqiti një kumtesë të librit “Dritë Shprese” , ndërkaq, Dr. Don Mikel Sopi foli për librin “Njeriu në mes Lirisë dhe Përgjegjësisë”, aty ku autori ka pasqyruar historinë tonë kombëtare dhe jetën e tij personale. Kurse, veprimtari dhe shkrimtari Isak Ahmeti, i bëri një vlerësimë veprës “Jehona e Folesë II”. Sipas tij, autorët në faqet e këtij libri, kanë bërë një botim të plotësuar për ngjarjet dhe njerëzit e historisë të cilat i referohen Rajonit të Anamoravës.
Më pas, koautori Nazif Laçi, shprehu mirënjohje për të gjithë ata që ndihmuan në botimin e veprës “Jehona e Folesë II”. E veçanta e këtij promovimi, ishte momenti kur autori Marjan Sebaj Sopi lexoi para auditorit, një poezi të përzgjedhur të krijimtarisë së tij letrare. Në këtë ngjarje kulturore, të organizuar nga Drejtoria e Kulturës në Viti, u vlerësuan lartë veprat e propovuara, pasi ato shfaqinë kontributë të çmuar në fushën e letërsisë, historisë e monografisë.