Meqë banditët e qeverisjes, sejmenët botues të lidhur me pushtetin i kanë mbyllur të gjitha shtigjet që autori të mund të këtë lidhje nëpërmjet tregut të librit me lexues-blerës, ju njoftojmë se librat që autorët duan ti tregtojnë individualisht nuk gjënden më në asnjë librari në Shqipëri.
Siç na spjegoi “Adrion-i” që të çosh një libër për shitje në librari duhet të kesh një NIPT. Që të kesh një Nipt duhet të hapësh një bisnes të vogël. Do të parapaguash 2 milion lekë në vit parapagim. O ju kripsha trute, o tatimorë, se veç për ti kripur i keni. O tagrambledhes të hyqzmetit me gjithë drejtuesit tuaj pa tru, u dashka të paguash edhe 2 milion lekë të tjera pasi ke paguar botuesin për të shitur dy libra në librari. O të çmendur. Ku veni?
Po a e kishte Kryeministri ate lesh NIPT-i n me vete kur vajti muhaxhir nëpër botë me ekspoziten e vet të vizatimeve? E paguajti ai 2 milionshin e bisnesit të vogël në tatimore meqë tregton vizatime me e pa kornizë? Në këto kushte izolimi nga neokomunistet në pushtet me keq se në kohë të diktaturës, nëse dikush është i interesuar ju kujtojmë se ju dërgojmë libra nëpërmjet postimit në çdo vend që të ndodheni.
Është e vetmja mënyrë që autorët të komunikojnë me lexuesit sepse mafia botuese e lidhur me pushtetin kërkon që së pari tu marrë autorëve lekët për botim e më pas ti tregtojë ato, pra të kenë fitim të dyfishtë. Autorët kësisoj në saj të nje programi tarifor shtetror mafioz gjendën dy herë të rjepur. Dhe vini re, 60 Euro për metër katror në Panairin e Librit i shesin stendat organizatorët. Dhe ngopën mirë se mund të kenë marrë me mijra euro nga Ambasada Kineze që kishte zënë një pavion të madh sa për 10 stenda botuesish të vegjël. Pa le edhe libri fetar.Tumllas.
Paskemi qënë kaq të etur për fe, ne shqipot që i vumë kazmën e i rrafshuam tempujt me thirrjen e parë te Byrose Politike. Ndërsa autorët e letërsisë shqipe në të sëmës. Autorët shkojnë e vinë me duar ndër xhepa të shpuar e rjepur prej botuesve të mëdhenj të lidhur me qeverisjen në Panairin e Kotësive, të një sistemi ekonomik e kulturor idiot. Dhe paratë për të paguar këta derdimenë që pjellin të tilla pseudoreforma i paguajnë qytetarët.
Ripet populli si dash kurbani. Sa shumë po duron ky popull. Durim durimadh paska qenë. Po deri kur?!
LIBRA TË AUTORIT K.P. TRABOINI
Petalet e bajames së hidhur - tregime, 1973 Balada e largësive - album poetik, Athinë 1995 Rapsodi Ushtore - satirë, Athinë 1995 Gjurmë në histori - letërsi dokumentare, Athinë 1995 Katërkëndëshi i mundimeve - roman, 2000 Mos vdis dashuri - poezi, 2002 Nokturn - poezi, 2004 Requiem për një gjethe - poezi, 2005 E vërteta përvëluese e Aristidh Kolias - esè, 2005 Trinia ime - poezi, 2006 Lufta e maleve-Palok Traboini - esè, 2006 Koha e prostitutave - lirika & etyde, 2007 Bukuri shkodrane - esè, 2007 Itaka Grua - lirika, 2008 Kujto Poetin (bashkautor) - antologji poetike, 2011 Lule Pellazgjike - lirika, 2012 U dashka të dal natën vonë- poezi, 2012 100 poetë për dashurinë(bashkautor)-antologji, 2012 Flamuri në Deçiq- Palok Traboini 1911, - 2012 Zhgënjimi i Ambasadorit amerikan - esé, 2012 E kam Atdheun tek Porta - poezi, 2013 Dashuri- 200 lirika të zgjedhura, 2013 Çamëri-Zemra ime (bashkautor) - antologji, 2014 Aristidh Kola - esé, 2014 Fajin e ka Hekuba - poezi, 2014 Orakujt kanë zbritur në ferr - poemë, 2015 Djali nga Hoti - rrëfime për fëmijë, 2015 Libohovitët e Amerikës - Histori & Tradita, 2016 Odeon - poezi, 2016 At e bir për mëmëdhenë nga Sotir Pani - përg. K.Traboini 2016
