Shkrimtari francez, Nicolas Mathieu sot fitoi çmimin prestigjioz të letërsisë “Goncourt”, për librin “Leurs enfants après eux” (Fëmijët e tyre pas tyre).
Romani ka një paraqitje politike dhe sociale, ku po ashtu tregohet mbi adoleshencën.
“Është një autor i ri në treg, një autor i ri në moshë dhe mbi të gjitha një autor që flet për Francën e sotme”, tha Bernard Pivot, drejtori i çmimit “Goncourt”, që është çmimi më prestigjioz në botën e frankofonisë.
Çmimi iu dha në raundin e katërt të votimit me gjashtë vota pro dhe katër kundër përballë Paul Greveilac që konkurronte me librin “Maîtres et esclaves” (Pronarë dhe skllevër), një tregim mbi Kinën e Kuqe.
Libri deri tani është shitur në 40000 ekzemplarë, por botuesi shprehet se ka porositur shtypjen e 50000 ekzemplarëve të tjerë.