Këto janë shenjat se i dashuri juaj do ta kalojë të gjithë jetën me ju

Life style

Këto janë shenjat se i dashuri juaj do ta kalojë të gjithë jetën me ju

Më: 12 shkurt 2019 Në ora: 08:14
Ilustrim

Për arsyen e thjeshtë se dashuria tregohet çdo ditë kur është e vërtetë dhe jo në një datë të caktuar. Ka disa shenja që tregojnë se partneri të vë në vend të parë dhe të jep rëndësi më shumë se çdo gjë. Me pak fjalë disa gjeste të tij tregojnë se ju jeni prioriteti dhe se ai do ta kalojë gjithë jetën me ju.
 

1.Ai të vendos gjithmonë në vend të parë Eksperti i takimeve romantike, James Preece thotë: “Nëse ai zgjedh të të shohë më shumë, sesa të kalojë kohë me miqtë e tij, ti mund ta kuptosh se gjërat po shkojnë mirë. Nëse ai është i gatshëm të rregullojë orarin e tij për ta përshtatur kohën me ty, atëherë kjo është akoma më mirë. Ai do të jetë me ty dhe ndihet më rehat kur jeni bashkë”.

2.Ai të mirëkupton Kur partneri yt dëshiron të jetë me ty, ai bën një përpjekje për të të kuptuar. Nuk është se ai person të kupton si me magji, edhe pa i thënë gjë. Absolutisht jo. Thjesht, edhe nëse gjërat midis jush komplikohen, ai di të të kuptojë kur ti e ke të vështirë të menaxhosh disa aktivitete njëkohësisht dhe mund të ndodhë të mos jesh me të për një kohë të gjatë.

3.Të jesh me atë është e lehtë Marrëdhënia juaj është e mbushur me të qeshura, dashuri dhe argëtim. Nuk ka asnjë dramë apo lojëra. Partneri yt komunikon me ty dhe të bën të ndihesh jashtëzakonisht mirë. Kjo gjë nuk do të thotë se ju nuk grindeni, apo nuk keni debate. Thjesht e keni kuptuar se për ta çuar marrëdhënien përpara, duhet që disa gjëra t’i tejkaloni.

4.Ti i beson atij plotësisht Normalisht të gjithë do të donin të kishin përkrah dikë që do i tregonte gjithçka me sinqeritet dhe nuk do t’i gënjente për asgjë. Kjo gjë ndodh edhe me dikë që të do pafund. Nëse ti i beson partnerit tënd, pasi ai ta ka provuar se përherë të ka thënë të vërtetën, atëherë kjo është një shenjë që lidhja juaj do të zgjasë gjatë. Besimi është, sigurisht, i ndërsjelltë. Ju i besoni të dy njëri-tjetrit për të qenë të sjellshëm, mbështetës dhe të dashur me njëri-tjetrin.

5.Ai të bën të ndihesh rehat Partneri yt të bën të ndjesh një ndjenjë rehatie që kurrë nuk e keni njohur më parë. Ti ndihesh e relaksuar dhe në humor pozitiv me të kudo që ku jeni të dy. Edhe kur ke një ditë të tmerrshme, partneri yt mund të të bëjë të ndihesh sikur je në krye të botës. Ai është personi i vetëm që ti do ta shohësh pas një dite të vështirë dhe kur e sheh, ndihesh sikur po sheh gjithë botën me sytë e tu.

commentFirst article
Sot mund të lexoni Shfletoni kopertinat