Sylvester Stallone e ka bazuar historinë e filmit “Rocky” në sfidat e tij që i ka pasur për t’u bërë aktor.
Ai ka kaluar pengesa të mëdha për të arritur në majën e Hollywood-it, por asnjëherë nuk është dorëzuar.
Skenarin e filmit “Rocky” ai ua ka treguar producentëve më shumë se 150 herë para se të dilte dikush që kishte shfaqur interes për ta bërë këtë film.
Gjatë asaj kohe, ai ka qenë aq i varfër saqë është dashur të flejë në stacion të autobusit dhe gjërat u përkeqësuan aq shumë saqë u detyrua ta shiste qenin për 50 dollarë.
Më në fund, producenti i kishte ofruar t’ia blinte skenarin, por nuk kishte dashur që Stallone të ishte pjesë e filmit.
Stallone kishte refuzuar ofertën prej 300,000 dollarëve sepse kishte besuar që ishte personi i duhur për rolin e Rocky Balboa-s.
Pas shumë muajve, ai eventualisht e kishte lejuar Stallonen që të luante në film. Kështu, filmi “Rocky” kishte pasur një sukses të mahnitshëm duke fituar 225 milionë dollarë. Pjesa tjetër është histori.
Personazhi i këtij filmi, Rocky, konsiderohet si një prej më motivuesve të të gjitha kohërave.
Filmat “Rocky” janë të mbushur me thënie motivuese të cilat e inspirojnë çdo njeri t’i shndërrojë ëndrrat në realitet.
– “Të futeni në ring edhe një rund pasi keni menduar se më nuk mundeni – kjo është ajo çfarë e bën diferencën në jetën tuaj”
– “Askush nuk i ka borxh askujt. I keni borxh vetëm vetes”
– “Çdo kampion dikur ka qenë vetëm konkurrent që ka refuzuar të heq dorë”
– “Herë pas here vjen një person i cili i mposhtë të gjitha bastet, logjikën dhe e përmbush një ëndërr të mahnitshme”
– “Derisa të filloni të besoni në vetvete, ju nuk do të keni një jetë”
– “Për të më mposhtur mua, ai duhet të më vret, dhe për të më vrarë, ai duhet të ketë zemër të qëndroj para meje, dhe për ta bërë këtë, ai duhet të jetë i gatshëm të vdes vet dhe nuk e di nëse është i gatshëm për ta bërë këtë”
– “Do t’ju duhet të kaloni përmes ferrit, më keq sesa çdo ankth që ndonjëherë e keni ëndërruar. Por kur të përfundoj, e di se do të jesh duke qëndruar. E din se çfarë duhet të bësh. Bëje”
– “Nëse jeni të gatshëm të kaloni përmes të gjitha betejave të nevojshme për të arritur aty ku dëshironi, kush e ka të drejtën t’ju ndalojë?”
– “Nuk ka të bëjë me atë se sa fort goditni. Ka të bëjë me atë se sa fort mund t’ju godet dikush dhe ju të vazhdoni tutje. Kështu fitohet”.
