Pagjumësia është një nga problemet që nuk zgjidhet lehtësisht pasi ndonjëherë dhe ilaçet nuk janë funksionale, ose nëse përdoren për një kohë të gjatë ato e humbasin efektivitetin e tyre. Nëse keni provuar çdo gjë dhe as çaji me kamomil nuk ju ndihmon ndoshta ky lëng që përgatitet lehtësisht do t’ju zgjidhi këtë stres të përditshëm.
Përbërësit: 1 lugë gjelle vaj kokosi, ¼ lugë çaji të mjaltit të papërpunuar dhe 1/8 lugë çaji kripë deti.
Si ta përgatisni dhe përdorni këtë pije?
Opsioni i parë: Përzieni mjaltin dhe vajin e kokosit në një enë dhe shtoni edhe kripën. Përzieni mirë, konsumoni një lugë gjelle nga kjo përzierje dhe më pas konsumojeni një gotë ujë.
Opsioni i dytë: Konsumojeni vajin e kokosit dhe mjaltin ndarazi dhe gjithashtu konsumojeni edhe me një gotë ujë. Më pas mund të shtoni kripën e detit në një filxhan të vogël uji dhe ta konsumoni atë.
