''The waiting room'' -Dhoma e pritjes
Kur Victoria Mapplebeck u diagnostikua me kancerin e gjirit, vendosi të regjistrojë çdo veprim të ndërmarrë për shërimin e saj. Me një iPhone X, Mapplebeck xhironte momentet në sallat e pritjes, në operacion dhe kimioterapi, transmeton Telegrafi.
Dokumentari “Dhoma e pritjes” është ballafaqim me gjakun, djersën dhe lotët që vijnë nga lufta me kancerin. Ndërsa, në shtëpi, Mapplebeck xhironte të birin tinejxher dhe momentet e jetës familjare që merr kah tjetër përgjatë një viti jetese me sëmundjen e rëndë.
Mapplebeck ka dokumentuar sëmundjen sipas pikëpamjes së pacientit, duke hulumtuar gjërat që mundemi dhe nuk mundemi t’i kontrollojmë kur trupi jonë dështon.
