A dëshironi të dini si t’i flisni një personi krejtësisht të panjohur dhe ta filloni një bisedë me të?
Fatkeqësisht nuk ka ndonjë ilaç i cili mund t’jua shtojë sharmin për ta bërë këtë me çdo person që e takoni.
Megjithatë, lajmi i mirë është se ka disa parime bazike të cilat bëjnë mrekulli në secilën situatë dhe me secilin person.
Prandaj, pavarësisht se a jeni duke e kërkuar personin e veçantë dhe dëshironi ta dini mënyrën e përsosur për ta filluar bisedën në vendet më të papërshtatshme, siç është dyqani, apo jeni profesionist biznesit duke provuar t’i përmirësoni aftësitë sociale për të krijuar marrëdhënie të reja, atëherë strategjitë e mëposhtme do t’ju ndihmojnë t’i filloni bisedat më lehtë.
1: Gjithmonë filloni me një pyetje
Gjithmonë bëjeni këtë. Përse? Sepse pyetja i hapë mundësitë për një dialog më të gjatë dhe i tregon personit se jeni i/e interesuar në të.
2: Çfarë pyetje duhet të bëni?
Mundohuni t’i shmangni temat si politika, religjioni dhe familja – e veçanërisht dy të parat.
Është mirë të bëni pyetje se ku punon bashkëbiseduesi, ku jeton, etj.
3: Dëgjoni…
Dëgjimi është kritik sepse ju ndihmon t’i merrni informacionet e duhura për të bërë pyetje të cilat e zgjasin bisedën, por edhe mund të shtoni komente për ta bërë bisedën më interesante.
