Tri mënyra për të ndërtuar muskuj pa e dëmtuar shëndetin - Bota Sot
Tri mënyra për të ndërtuar muskuj pa e dëmtuar shëndetin

Life style

Tri mënyra për të ndërtuar muskuj pa e dëmtuar shëndetin

Më: 15 korrik 2019 Në ora: 17:51
Ilustrim

Shtimi i muskujve mund të jetë frustues, por faktikisht nuk është aq i vështirë nëse veç dini si të veproni.

Thjesht duhet të siguroheni se jeni duke shtuar muskuj në mënyra të shëndetshme.

Më poshtë i kemi disa këshilla që ju ndihmojnë ë bëheni më të fortë – këshilla që vijnë nga ekspertët e kësaj fushe!

1: Dieta

Kur provoni të shtoni muskuj, fillojani në kuzhinë. Çfarë dhe sa shumë hani ju ndihmon ta bëni diferencën.

– Fjala “dietë” mund t’ju bëjë të mendoni se duhet të ndalni së ngrëni për t’u formësuar, por faktikisht kur dëshironi të shtoni muskuj, ju duhet ta rritni sasinë e kalorive që i konsumoni. Nëse normalisht i konsumoni 2,000 kalori në ditë, atëherë provoni t’i shtoni edhe 500.

– Veç kësaj, ju duhet të konsumoni më shumë proteina për ta përkrahur shtimin e muskujve. Sasia e rekomanduar është rreth 2-4 gramë për kilogramë të peshës së trupit që e keni. Ushqimet që kanë sasi të lartë të proteinave janë vezët, jogurti grek, tërshëra, etj.

– Në vend se t’i hani 2-3 shujta në ditë, provoni t’i hani 5-6 shujta të vogla në ditë – e veçanërisht shujta para ushtrimeve fizike.

– Konsumoni yndyra të pangopura, siç janë ato që gjenden në avokado, bajame, etj. Kufizoni yndyrat e ngopura, siç janë ato të mishit apo ushqimet e bulmetit me sasi të lartë të yndyrës.

2: Ushtrimet e përgjithshme

Ushtrimet fizike janë të rëndësishme, por ju duhet të sigurohuni të përqendroheni në ushtrime të përgjithshme, por edhe në ushtrime tjera.

– Filloni me ushtrime bazike – siç janë vrapimet e shkurta apo ngritja e peshave të vogla. Jo vetëm se kjo e përgatit trupin, por edhe ju vë në gjendje të duhur mendore për t’u stërvitur.

– Siç edhe sugjeron fjala “e përgjithshme”, sigurohuni se jeni duke bërë ushtrime që e stërvitin tërë trupin, siç janë ngritjet në hekur, pompat, etj.

– Kufizoni ushtrimet kardiovaskulare si vrapimi, noti, kërcimi me litar, etj. sepse këto janë më shumë për të djegur yndyrë sesa për të ndërtuar muskuj.

– Mos u nxitoni. Çdo gjë e mirë merr kohë dhe përkushtim

3: Ushtrimet specifike

Siç edhe mund ta kuptoni, ju duhet të performoni ushtrime që fokusohen në zona të veçanta të muskujve.

– Ndani rutinën ditore të ushtrimeve në ushtrime të ndryshme, duke u siguruar ta stërvitni një grup specifik të muskujve brenda një dite apo jave. Pra, në fund të javës i bie se i keni ushtruar të gjithë muskujt, thjesht në ditë të ndryshme. Pra, nëse e keni stërvitur sot pjesën e epërme të trupit, nesër fokusohuni te pjesa e poshtme.

KËSHILLA EKSTRA

– Posa ta përvetësoni një ushtrim, gradualisht rritni peshën për të parë përmirësime

– Pushimi është shumë i rëndësishëm. Ju duhet të pushoni rreth 7-8 orë në ditë për të ndihmuar në riparimin dhe ndërtimin e muskujve

– Mos e teproni me ushtrime. Ushtrimet e tepërta thjesht ju sjellin dëme dhe nuk kontribuojnë në rritje më të shpejtë të muskujve. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...