Kur jetoni me dikë, ndiheni përgjegjës për njëri-tjetrin, shqetësoheni për sigurinë tuaj dhe është gjithmonë pyetja ‘a je mirë’ që bëhet refren i zakonshëm. Kur partneri vjen në kohë në shtëpi lidhja bëhet më e fortë, në çdo rast tjetër kur mund t’i duhet të vonohet ca, duhet ta komunikojë me partneren për të shmangur dyshimet dhe shqetësimet e panevojshme.
Ardhja në kohë në shtëpi është shenjë afeksioni, tregon që ai do që të ndiheni mirë, kujdeset për ndjenjat tuaja dhe në fund të fundit është tregues dashurie. Kur kjo ndryshon, dalin probleme. Megjithatë para se të hidheni në përfundime dhe të filloni ta akuzoni, ka të tjera arsye pse ai mund të jetë duke ardhur vonë në shtëpi.
1. Ju ankoheni vazhdimisht
Ndërkohë që gratë kanë përgjithësisht arsye për t’u ankuar, burrat përpiqen ta shmangin. Ndaj mund të vinë në shtëpi kur ju të keni rëbnë për të fjetur, ose jeni shumë të lodhura për të debatuar.
2. Punon jashtë orari
Punët janë të ndryshme dhe ai mund të vijë vonë, sepse po kalon më shumë kohë në punë për të fituar ca para ekstra. Në fund të fundit e bën për të dy ju.
3. Stresi
Pjesa më e madhe e burrave zgjedhin të heshtin kur i shqetëson diçka, derisa ta zgjidhin vetë. Kjo krijon stres dhe për të shmangur bisedat e tepërta, do të qëndrojë jashtë derisa ta kuptojë vetë.
4. Tradhton
Donim ta vononim pak si alternativë, por ekziston. Nëse partneri juaj ka dikë tjetër, do vonohet sepse sigurisht do t’i kushtojë kohë dhe asaj, ndaj më mirë të vonohet sesa të mos vijë fare në shtëpi.
5. Është tip social
Mbase partnerit tuaj i pëlqen të kalojë kohë me miqtë dhe do të kthejë një birrë para se të vijë në shtëpi.
6. Kriza e moshës së mesme
Burri juaj ka vendosur të sillet si një 20-vjeçar nga frika e kalimit të viteve. Vishet ndryshe, kujdeset më shumë për veten, madje mund të bëjë dhe blerje të shtrenjta të papritura, shkruan anabel. Disa burra, kur arrijnë një moshë të caktuar, mbi të gjitha nëse nuk e kanë shijuar jetën mjaftueshëm kur ishin të rinj, duan të jetojnë të lirë në këtë fazë. Ky është një trend në rritje vitet e fundit, madje mund të harrojnë apo neglizhojnë edhe detyrat e tyre në shtëpi.
7. Duan të shmangin punët e shtëpisë
Besojeni ose jo, burri juaj mund të vijë vonë në shtëpi vetëm sepse nuk do të bëjë ndonjë punë të vogël nëpër shtëpi, të kontrollojë detyrat e fëmijëve, apo të sigurohet që janë larë e kanë ngrënë. Disa mendojnë se kjo është puna e nënave dhe ato mund t’ia dalin vetë.
