Lumturia është ndjesi e çuditshme dhe jo të gjithë e kuptojmë, por padyshim duam të përjetojmë sa më shpesh. Jeta ecën me hapa të shpejtë dhe përpjekjet për të arritur lumturinë janë të shumta, por për femrat duket se zgjidhja nuk është e vështirë. Sipas një studimi të realizuar nga kompania ‘Kidspot’, 84% e femrave kërkojnë mbështetjen e mikeshave, varen nga këshillat e tyre dhe argëtohen me to. E thënë ndryshe, një femër është e lumtur vetëm nga prania e mikeshave të saj.
Sigurisht, imazhin e miqësisë perfekte e prishin shqetësimet për shkaqe financiare, mungesës së kohës dhe marrëdhënieve që dështojnë, por thelbi është i njëjtë, mikeshat janë ato që sjellin dozën e nevojshme të arsyes.
