Dëgjimi i muzikës e rritë produktivitetin – disa lloje të muzikës janë super efektive - Bota Sot
Dëgjimi i muzikës e rritë produktivitetin – disa lloje të muzikës janë super efektive

Life style

Dëgjimi i muzikës e rritë produktivitetin – disa lloje të muzikës janë super efektive

Më: 16 shtator 2019 Në ora: 19:59
Ilustrim

Muzika e ka një mënyrë të përshkimit përmes këndeve të zbrazëta dhe mbushjes së ambienteve me substancë.

Muzika ju ndihmon të relaksoheni, mund t’ju bëjë të qani, e madje mund t’ju bëjë edhe të ndiheni të gjallë.

Por, a mundet muzika t’ju bëjë më produktivë?

Hulumtimet e kryera mbi këtë çështje tregojnë se personat të cilët dëgjojnë muzikë i kryejnë detyrat më shpejt dhe në përgjithësi kanë ide më të mira.

Megjithatë, ekspertët kanë treguar se varësisht nga lloji i muzikës që e dëgjoni, ajo mund të ketë edhe efekt të kundërt.

Ata i kanë identifikuar pesë faktorë të cilët e përcaktojnë se kur muzika ndikon pozitivisht në produktivitet e kur negativisht:

1: Struktura muzikore. Këngët me strukturë më komplekse muzikore, siç është “Muffin Man” e Frank Zappas, mund të jenë më shpërqendruese për dëgjuesit sesa këngët me strukturë më të thjeshtë, siç është “Leaving on a Jet Plane” nga John Denver.

2: Teksti. Teksti mund t’ju shpërqendrojë sepse ju nxitë të përqendroheni në mesazhin e këngës.

3: Shprehitë e dëgjimit. Nëse dikush është mësuar të dëgjojë muzikë duke punuar, atëherë zakonisht është më mirë për atë person të dëgjojë muzikë.

4: Vështirësia e detyrave. Nëse një detyrë të cilën duhet ta kryeni në punë kërkon më shumë mendim dhe përqendrim, atëherë muzika mund ta bëjë më të vështirë atë detyrë.

5: Kontrolli. Kur muzika i imponohet dikujt, atëherë zakonisht është më shpërqendruese sesa kur personi zgjedh vet të dëgjojë muzikë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...