Rreth një të tretën e jetës e shpenzojmë duke fjetur ose duke u përpjekur të flemë.
Dhe, studimet e fundit tregojnë se ka një lidhje mes pozitës në të cilën flenë nëna dhe mirëqenies së bebes.
Për shkak të ndryshimeve në trup, pozitat e rregullta të gjumit më mund të mos jenë edhe aq të sigurta gjatë shtatzënisë.
Fjetja në bark
Nëse keni fjetur e shtrirë në bark para shtatzënisë, atëherë në këtë pozitë mund të flini vetëm në muajt e parë të shtatzënisë.
Sidoqoftë, pas tremujorit të parë, thjesht nuk do të jeni e aftë të shtriheni në bark për shkak të fryrjes së barkut.
Fjetja e shtrirë në krah
Kjo është pozita më e sigurt për ju dhe beben.
Kjo pozitë mundëson qarkullimin e gjakut dhe nuk shkakton presion në organet e brendshme.
Megjithëse dy anët janë të sigurta, ekspertët rekomandojnë më shumë që të flini e shtrirë në krahun e majtë për shkak të rritjes së sasisë së gjakut dhe vlerave ushqyese që arrijnë te bebja.
