Vajzat janë po aq të mira në matematikë sa djemtë, sugjeron studimi i ri i publikuar të premten, shkruan Dailymail.
Hulumtuesit nga Universiteti Carnegie Mellon, kanë përdorur skanerin, për të matur aktivitetin e trurit të fëmijëve, përderisa ata mësojnë disa ekuacione matematikore. Në këtë studim është vërejtur se gjatë kryerjes së këtyre proceseve, truri i vajzave dhe djemve funksionon në të njëjtën mënyrë.
“Ne kemi vërejtur se truri i të dy gjinive funksionon në mënyrë të njëjtë, kështu që tani e tutje nuk mund të thuhet se truri i djemve i përpunon informacionet matematikore më mirë se vajzat”, tha autori i këtij studimi.
Që nga mosha e hershme, vajzat në ShBA, përballen me shumë stereotipa negative, se ato nuk janë të mira në matematikë, dhe nuk mund të arrijnë aq sa djemtë në fushën e matematikës.
Ky studim edhe një herë ka dëshmuar, që ndryshimet në mes të dy gjinive i krijojnë njerëzit.
