Gjithmonë flasim për dashurinë, atë reale, dhe me “D” të madhe. Shpesh pyesim veten në lidhje me ekzistencën e asaj të vërtetë dhe e kërkojmë kudo, me shpresën se do ta gjejmë herët a vonë. E vërteta është se ne jemi të ndarë nga brenda dhe kjo është arsyeja pse ne vazhdimisht kërkojmë dashuri të vërtetë.
Dashuria është ajo që lëviz botën tonë. Kur fillojmë një lidhje gjithçka duket ndryshe, më e bukur. Përmes kësaj ndjenje ne mësojmë të njohim veten, botën dhe gjithashtu tjetrin, duke përjetuar një vorbull emocionesh. Çfarë do të ishim ne njerëzit nëse shtysa e dashurisë nuk do të na godiste të paktën një herë në jetën tonë? Sigurisht do të bënim një jetë më të qetë, por nuk do të kuptonim asgjë për botën që na rrethon.
Dashuria e vërtetë ekziston, por ajo duhet të ndërtohet. Ajo duhet të kërkohet tek e vërteta, tek ngjarjet, veprimet dhe padyshim tek emocionet e saj. Ne duhet të fillojmë të mendojmë për dashurinë si një art në mënyrë që ta kuptojmë vërtetë. Të jetuarit është një art dhe nëse doni të dini se si të doni, duhet ta bëni atë sikur të doni të mësoni të pikturoni ose të luani një instrument.
Të duash vërtet do të thotë të ndërtosh marrëdhënie dhe për këtë arsye të investosh kohë dhe energji, së bashku me tjetrin. Dashuria e vërtetë është sakrificë, përkushtim, prani. Është zemërim dhe dëshirë, forcë dhe bukuri. Grindjet dhe diskutimet janë pjesë e çiftit, nuk ka asnjë dashuri të vërtetë pa një luftë të ndjekur nga paqja. Dashuri do të thotë të heqësh dorë nga disa gjëra që mund të komprometojnë marrëdhëniet. Të sakrifikosh veten për tjetrin, për ta vendosur atë në radhë të parë në raste nevoje. Është ajo që na shpëton kur bota duket se po na shembet mbi kokë dhe errësira po mbizotëron mbi ne. Çdo hap që bëni së bashku është një udhëtim, por për të pasur kuptim anëtarët e çiftit duhet të ecin në të njëjtin drejtim, krah për krah.
Si një bimë, dashuria gjithashtu ka nevojë për vëmendje dhe kujdes që të vazhdojë të ekzistojë. Kjo është arsyeja pse është thelbësore që dashuria të përtëritet. Nëse një marrëdhënie bëhet e qëndrueshme, është e dënuar të dështojë. Dashuria e vërtetë ekziston, por ju duhet ta njihni, të kujdeseni për të, të punoni për marrëdhënien së bashku me tjetrin. Nëse e jetoni atë në mënyrë pasive, duke menduar vetëm për veten tuaj, nuk do të jetë kurrë e vërtetë.
