Shumica e njerëzve e shmangin përdorimin e WC-ve publike, por me këto këshilla ka gjasa më të mëdha që me vete nuk do të marrin disa nga bakteret që shkaktojnë infeksione të ndryshme.
Hulumtimi është bërë në bazë të mostrave nga pjesë të ndryshme të tualeteve të ndryshme. Përkundër asaj që besohet, kabina që është më afër derës së tualetit është më e pastra – ndoshta pikërisht për shkak se të gjithë e shmangin atë.
Ulësja në tualet është pjesa më e pastër e WC-ve publike, ndoshta për shkak se njerëzit vendosin peceta dhe letra higjienike në të përpara se të ulen ose e pastrojnë para se të dalin nga kabina, që të mos turpërohen, shkruan Daily Mail.
Mbajtësi i letrës higjienike është vendi që ka më së shumti baktere. Në të ka 150 për qind më shumë baktere se në ulëse.
Arsyeja është se njerëzit me jashtëqitje në duart e tyre zgjaten ta kapin letrën higjienike, gjë që mund të shkaktojë infeksione të ndryshme – nga infeksionet e traktit urinar, pneumonisë, apo infeksioneve të ndryshme të mitrës tek femrat.
Megjithatë, mjekët thonë se nuk duhet të frikësohemi nga WC-të publike. Është e rëndësishme vetëm që t’i lajmë duart tërësisht me sapun dhe ujë të ngrohtë pas çdo vizite në këtë vend.
Mjekët këshillojnë që dera e tualetit të hapet me një pecetë ose bërryl për t’i parandaluar bakteret nga doreza që të kalojnë në duar dhe më pas edhe në fytyrë dhe gojë.
