Disa studiues nga Universiteti Rowan në New Jersey kanë zbuluar se filtrat që përdorni për selifet mund të rritin numrin e pëlqimeve që marrin.
Me rreth një miliard përdorues çdo ditë, Instagrami, pa dyshim që është një nga aplikacionet më të njohura për të gjitha grupmoshat.
Nëse jeni përdorues i këtij rrjeti social, me siguri i njihni dhe bazat e këtij aplikacioni, por të dini saktësisht se cilat foto do të marrin numrin më të lartë të klikimeve është një biznes tepër i ndërlikuar.
Tashmë, një studim i ri ka zbuluar një “mashtrim” të thjeshtë për të rritur numrin e pëlqimeve në fotot që postoni.
Studiuesit kanë zbuluar se filtrat e ndryshme të cilat ju përdorni mund të rrisin numrin e pëlqimeve në një foto. Ndërkohë, postimi i fotove nga vendi i punës, hobi apo statusi ekonomik, gjithashtu mund të ndihmojnë të shtoni disa “like” me tepër, sipas studiuesve.