Për fëmijët bëjmë gjithçka dhe gjejmë forcë edhe në momentet më të vështira - Bota Sot
Për fëmijët bëjmë gjithçka dhe gjejmë forcë edhe në momentet më të vështira

Life style

Për fëmijët bëjmë gjithçka dhe gjejmë forcë edhe në momentet më të vështira

Më: 13 qershor 2020 Në ora: 08:47
Ilustrim

Fëmijët janë ata për të cilët do të mund të bënim gjithçka. Dashuria dhe përgjegjësia që kemi për ta na bën të përballemi me çdo betejë dhe të gjejmë forcën për të vazhduar edhe në momentet më të vështira.

Kur bëhemi prindër, shumë gjëra ndryshojnë brenda nesh. Ne e lëmë egoizmin pas, mësojmë ta shohim jetën me një perspektivë më të mirë dhe bëhemi shumë më të pjekur dhe të mençur, megjithëse me disa vështirësi.

Ne kuptojmë që jemi plotësisht përgjegjës për një jetë tjetër dhe se duhet të bëjmë çmos që ky person të rritet në një mjedis të shëndetshëm dhe të lumtur, të mësojë të jetojë me ndershmëri, gëzim dhe të mësojë të luftojë për ëndrrat e tij, në mënyrë që të jetojë i kënaqur.

Ky mision i ri nuk është i lehtë, kërkon shumë durim, përkushtim dhe sakrifica, por është i dobishëm. Fëmijët tanë i japin kuptim të ri jetës sonë, na tregojnë se ekziston dashuria e pakushtëzuar, hapin zemrat dhe shpirtrat tanë për një lidhje të pastër dhe zgjojnë tek ne një përgjegjësi të vërtetë.

Dashuria që ndiejmë për ta është unike, zgjon anën tonë më të mirë dhe na motivon të luftojmë çdo ditë në mënyrë që ata të kenë gjithmonë më të mirën. Ne e njohim natyrën dhe zemrën e fëmijëve tanë, ne luftojmë për të mirën e tyre dhe nuk e pranojmë që dikush t’u bëjë dëm atyre.

Kur ne e kuptojmë qëllimin negativ të një personi ose kur jeta vendos diçka të keqe në rrugën e tyre, që u shkakton atyre dhimbje, ne zbulojmë forca që as nuk i dinim se i kishim dhe bëjmë gjithçka që mundemi për t’i mbrojtur ata. Fëmijët tanë janë mrekullitë tona, përtëritja jonë, dhuratat e Zotit që i japin kuptim ekzistencës sonë. Për ta, ne përballemi me çdo armik dhe jemi në gjendje të marrim forcë edhe nga vendet më të fshehura.

Dëshira për t’i rritur ata në mënyrën më të mirë të mundshme, pa humbur asgjë, për t’i udhëhequr me përgjegjësi në jetën e tyre dhe dashuri për veten e tyre, na bën të përballemi me çdo sfidë. Fëmijët tanë na bëjnë të fortë, të guximshëm, të aftë dhe fisnikë. Ata pastrojnë zemrat tona dhe e vendosin mendjen në vendin e duhur.

Për fëmijët tanë, ne bëjmë gjithçka që nevojitet, sepse ato janë burimi më i çmuar që mund të kemi dhe gjithçka që duam është që ata të jenë të lumtur.

Shfaq komentet
comments powered by Disqus
Sot mund të lexoni Shfletoni kopertinat