Gjithçka ju duhet për flokët, është vaji i ullirit - Bota Sot
Gjithçka ju duhet për flokët, është vaji i ullirit

Life style

Gjithçka ju duhet për flokët, është vaji i ullirit

Më: 1 gusht 2020 Në ora: 21:16
Foto ilustrim

Sikur ta dinit që gjithë sekretet e bukurisë ndodhen në kuzhinën tuaj ose shumë pranë saj, s’do të shpenzonit as kohë dhe as para për të patur flokë të shëndetshëm.

Maskat e kushtueshme të flokëve, nuk e justifikojnë rezultatin, prandaj na lini t’ju themi se duhet të provoni vajin e ullirit.

Është një mrekulli për çdo lloj problemi që mund të keni me to. Duke filluar që nga flokë që këputen e deri tek rritja si me magji e tyre.

Çfarë bën tamam vaji i ullirit?

Gjithçka keni dëgjuar, nuk është thashetheme. Vaji i ullirit ndihmon flokun të zbutet, nuk i lë të elektrizohen, redukton këputjen e tyre dhe ndihmon me elasticitetin.

Gjithsesi, këshilla e vetme që duhet të keni parasysh, është të mos e përdorni më shumë seç duhet, sepse kështu do ta bëni flokun edhe më të rëndë.

Pavarësisht gjithë dobive që vijnë nga përdorimi i tij, duhen ende prova më të sigurta për të vërtetuar që ai ndikon tek rritja e shpejtë e flokëve.

Rekomandohet që të aplikoni vajin e ullirit në flokë 1-2 herë në javë dhe ta mbani në fundet e djegura apo skalp për rreth 1 orë, shkruan Anabel.

Nëse doni ide të tjera për maska flokësh që përgatiten në shtëpi, urdhëroni:

Përbërësit:

▪ 2 lugë gjelle vaj ulliri
▪ 1 lugë gjelle mjaltë
▪ 2 lugë gjelle vaj kokosi

Përgatitja:

I hedhim përbërësit në një enë (fillimisht vajin e ullirit, të kokosit dhe më pas mjaltin) dhe i përziejmë mirë e mirë derisa të krijohet një masë homogjene.

Më pas lyejmë flokët duke shmangur kontaktin me skalpin e kokës. E mira është të lyeni gjysmën e flokut dhe poshtë.

Lëreni maskën të veprojë për 30 minuta dhe më pas shpëlajeni mirë e mirë.

Maska të përsëritet 3- 4 herë në muaj.

Shfaq komentet
comments powered by Disqus
Sot mund të lexoni Shfletoni kopertinat