"Çfarë do të thotë dashuri?" Një grup njerëzish profesionistë ia shtruan këtë pyetje një grupi fëmijësh nga 4 deri në 8 vjeç. Përgjigjet që morën ishin më të gjera dhe më të thella se çdokush mund të imagjinonte. Shikoni si e përceptojnë ata dashurinë...
_____
"Kur gjyshja ime u sëmur me artrit, ajo nuk mund të përkulej dhe të lyente më thonjtë e këmbëve. Kështu që gjyshi im e bën këtë gjë për të gjatë gjithë kohës, edhe kur duart e tij morën artrit gjithashtu. Kjo është dashuria."
Rebecca - mosha 8 vjeç
_____
"Kur dikush të do, mënyra se si e thotë emrin tënd është ndryshe. Thjesht e di që emri yt është i sigurt në gojën e tij."
Billy - mosha 4 vjeç
_____
"Dashuria është ajo që të bën të buzëqeshësh kur je i lodhur".
Terri - mosha 4 vjeç
_____
"Dashuria është kur mamaja ime bën kafe për babin tim dhe ajo pi një gllënjkë para se t'ia japë, për t'u siguruar që shija të jetë në rregull".
Danny - 7 vjeç
_____
"Dashuria është kur puth gjithë kohën. Pastaj kur lodhesh duke u puthur, ti akoma dëshiron të jesh bashkë dhe të flasësh më shumë. Mami dhe babi im janë të tillë".
Emily - 8 vjeç
_____
"Dashuria është ajo që është në dhomë me ty në Krishtlindje nëse ndalon të hapësh dhurata për ta dëgjuar".
Bobby - mosha 7 vjeç
_____
"Nëse doni të mësoni të doni më mirë, duhet të filloni me një mik që e urreni."
Nikka - mosha 6 vjeç
_____
"Dashuria është kur i thua një djali që të pëlqen këmisha e tij, atëherë ai e vesh atë çdo ditë".
Noelle - mosha 7 vjeç
_____
"Dashuria është si një plakë e vogël dhe një plak i vogël që janë akoma miq edhe pasi e njohin aq mirë njëri-tjetrin."
Tommy - mosha 6 vjeç
_____
"Gjatë recitalit tim të pianos, isha në një skenë dhe isha i frikësuar. Pashë të gjithë njerëzit që më shikonin dhe pashë babanë tim duke u tundur dhe duke buzëqeshur. Ai ishte i vetmi që e bënte atë gjë. Nuk u tremba më.”
Cindy - mosha 8 vjeç
_____
"Dashuria është kur mami i jep babait pjesën më të mirë të pulës".
Elaine - mosha 5 vjeç
_____
"Dashuria është kur mami e sheh babin me erë të djersitur dhe ende thotë se ai është më i bukur se Robert Redford".
Chris - mosha 7 vjeç
_____
"Dashuri është kur këlyshi yt të lëpin fytyrën edhe pasi e ke lënë vetëm tërë ditën".
Mary Ann - mosha 4 vjeç
_____
"E di që motra ime e madhe më do, sepse ajo më jep të gjitha rrobat e saj të vjetra dhe duhet të dalë dhe të blejë rroba të reja".
Lauren - mosha 4 vjeç
_____
"Kur doni dikë, qerpikët tuaj ngrihen e ulen dhe yje të vegjël dalin nga ju."
Karen - 7 vjeç
_____
"Dashuria është kur mamaja e sheh babin në tualet dhe nuk mendon se është e tepruar".
Mark - mosha 6 vjeç
_____
"Në të vërtetë nuk duhet të thuash ‘Të dua’ nëse nuk e ndjen. Por nëse e ndjen, duhet ta thuash shumë. Njerëzit harrojnë".
Xhesika - mosha 8 vjeç
