3 praktika të shëndetshme dietale për një lëkurë më të re

Life style

3 praktika të shëndetshme dietale për një lëkurë më të re

Më: 17 nëntor 2020 Në ora: 16:15
Ilustrim

Kur vjen puna tek mirëmbajtja apo arritja e një pamje sa më të re dhe të freskët, vlera e dietave mirë të balancuara dhe të shëndetshme shpesh neglizhohet.

Ajo që e fusim në trup ka ndikim jetëgjatë në shëndetin dhe mirëqenien e një personi, dhe kjo gjë shpesh vërtetohet nga kualiteti i lëkurës së njeriut.

Në shpesh harrojmë ta konsiderojmë lëkurën si organ të trupit, por në fakt lëkura është organi më i madh në trupin e njeriut dhe kryen shumë funksione jetësore. Prandaj, për ta arritur një shëndet të mirë të lëkurës, duhet ndjekur tri praktika dietale.

1. Mos e privoni veten

Është e rëndësishme që sa më herët t’i zbatoni praktikat e shëndetshme dietale, që do të thotë t’i shmangni metodat dietale që kërkojnë privimin e disa ushqimeve. Përkundrazi zgjidhni një dietë të ekuilibruar dhe ushqyese, e cila iu siguron shëndet të mirë dhe lumturi, sepse një dietë e shëndetshme rezulton me lëkurë të freskët dhe të shëndetshme.

2. Merrni mjaftueshëm kolagjen në dietën tuaj

Proteina më e bollshme në trup është kolagjeni, duke përbërë 70 për qind të proteinave në lëkurë. Produktet kozmetike si kremrat e fytyrës të cilat përfshijnë kolagjen, arrijnë të depërtojnë vetëm një shtresat e jashtme të lëkurës, ndërsa konsumimi oral i kolagjenit e përmirëson prodhimin e tij, nga shtresat më të thella të lëkurës.

Nga mosha 25-vjeçare, prodhimi i kolagjenit në trup fillon të bie, dhe kjo i shkakton fazat e para të plakjes së lëkurës. Prandaj, konsumimi i suplementeve me kolagjen mund ta ndihmojnë përmirësimin e shëndetit të lëkurës suaj, hidratimin e saj, forcimin e lëkurës dhe mënjanimin e rrudhave të padëshiruara.

3. Sigurohuni të merrni sasi të balancuar të vitaminave

Vitaminat e luajnë një rol të rëndësishëm në funksionin e vazhdueshëm të trupit, dhe sërish ne nuk kemi kohë të mjaftueshme ose prirje për t’i përgatitur vaktet e nevojshme ushqimore të cilat janë të pasura me vitaminat që na duhen. Disa vitamina janë veçanërisht jetësore për shëndetin e lëkurës, dhe është me rëndësi që ato të jenë pjesë e një diete të përditshme.

Këto konsiderohen vitaminat kryesore:

· Vitamina C e cila kontribuon në prodhimin normal të kolagjenit, si dhe e mundëson një funksion normal të lëkurës.

· Vitamina E që kontribuon në mbrojtjen e qelizave nga stresi oksidativ

· Niacina dhe biotina të cilat kontribuojnë në mirëmbajtjen e një lëkurë normale dhe të shëndetshme.

Një dietë e balancuar është tejet e rëndësishme për lëkurë të shëndetshme, që do të thotë se duhet t’i përmbushni kërkesat e nevojshme të vitaminave dhe mineraleve, si dhe një ekuilibër në makroelemente si, karbohidratet, proteinat dhe yndyrat.

Shfaq komentet
comments powered by Disqus
Sot mund të lexoni Shfletoni kopertinat