Puna, shtëpia dhe studimi zënë një pjesë të madhe të ditëve tona në një mënyrë që të mos na mbetet kohë të lirë për veten, afeksionet dhe pasionet, shkruan vanityfair.it.
Një studim i quajtur N26, synon klasifikimin e situatave më stresuese për trurin e njeriut, nga e cila do të dilte se tensionet e krijuara nga problemet financiare do të kishin një ndikim të krahasueshëm me një ngjarje traumatike të jetës si për shembull me një divorc.
I kryer nga neuroshkencëtari Jack Lewis, studimi preku 1 000 burra dhe gra me banim në Europë dhe SHBA në një test reagimi të nënkuptuar që do t’u lejonte atyre të përcaktonin nivelet e stresit që lidhen me rrethana të ndryshme.
Kryeni frymëmarrje diafragmatike dhe ushtroni yoga
Është një zakon i mirë të ndalojmë dhe ta vendosim veten në një lloj gatishmërie duke praktikuar ushtrime të frymëmarrjes diafragmatike. Edhe vetë meditimi, ushtrimet e yogës dhe trajnimi autogjenik ndihmojnë për të riekuilibruar ekuilibrin trup-mendje.
Bëni një banjë të ngrohtë
Përkëdhelni veten me një banjë të nxehtë dhe një masazh duke përdorur vajra thelbësore dhe kremëra specifikë për relaksim: këto aktivitete na lejojnë t’i japim përparësi kujdesit për veten dhe trupin tonë.
Jini në shoqëri të mirë
Kalimi i kohës me ata që na bëjnë të ndihemi mirë, madje vetëm për një kafe, një aperitiv ose një shëtitje.
Bisedo me një mik të besuar
Thirrja e një shoku të besuar për një bisedim a këshillë është padyshim një zgjidhje e mirë për të lehtësuar stresin. Kjo ndihmon në zvogëlimin e ngarkesës së tensionit sepse na ndihmon të “hedhim jashtë” atë që mbajmë brenda.
Dëgjoni muzikë ose vizatoni
Ne duhet të kënaqemi me kohën e lirë dhe aktivitete të këndshme të tilla si dëgjimi i muzikës, vizatimi, gatimi ose kopshtari për shembull. Këto aktivitete na ndihmojnë të ndalojmë kohën: diçka që nuk merret si e mirëqenë në rutinën e përditshme.
Mësoni të thoni “jo”
Megjithëse mund të duket e vështirë dhe ndonjëherë të thuash “jo” bën mirë, të mësuarit për të vendosur kufizime në kërkesat e të tjerëve dhe për të thënë “jo” kur e dimë që aktiviteti i propozuar nuk na bën të ndihemi mirë, do të na ndihmojë t’i kushtojmë më shumë kohë vetes dhe të dashurve tanë.
Sport
Padyshim, është një ide e mirë të praktikoni rregullisht ushtrime fizike dhe aktivitete sportive: këto kontribuojnë në prodhimin e endorfinës dhe noradrenalinës, hormone të përfshira në depresion dhe ankth.
