Të kesh një marrëdhënie nuk do të thotë të jetosh një dashuri të vërtetë. Dhe mbi të gjitha, një “status” në Facebook nuk është i mjaftueshëm. Dashuria kërkon përpjekje të përditshme.
Kush të do, duhet të jetë gjithnjë emocionalisht me ty, duhet ta ndjesh praninë e tij edhe kur ai nuk është aty. Ky është ndryshimi i një lidhjeje të vërtetë, ku një person ndjehet i sigurt dhe gjithnjë pranë tjetrit, në çdo kohë të jetës. Shumë njerëz martohen për të gjetur këtë lumturi, por shpesh ata zhgënjehen dhe kuptojnë se martesa nuk është mënyra e duhur për ta gjetur atë.
Të tjerët i konsumojnë marrëdhëniet e tyre në një mënyrë “standarde”. Ata i kalojnë ditët së bashku, thonë “Të dua” çdo mëngjes, shkojnë së bashku në kinema, në ditëlindje miqsh e të fëmijëve të tyre. Shkurt, ata e kalojnë jetën në një mënyrë “standarde”, tashmë të shkruar plotësisht.
Të kesh një marrëdhënie nuk do të thotë të jetosh një dashuri
Dashuria kujdeset për veten e saj. Dashuria është respekt dhe mirëkuptim, kupton kur tjetri është duke rënë dhe e ndihmon atë të ngrihet. Në thelb, ai kujdeset për veten e tij në mënyrë që të kujdeset për tjetrin.
Njerëzit që me të vërtetë e duan njëri-tjetrin rriten së bashku, admirojnë njëri-tjetrin, shohin më të mirët tek tjetri edhe në momente jo të mira. Është kjo mbështetje emocionale që të gjithë ne e kërkojmë në një lidhje. Ne duam një lidhje për të forcuar veten emocionalisht, edhe nëse ndonjëherë jemi të zhgënjyer dhe madje edhe më të prekshëm.
Të duash do të thotë të ndërtosh
Të jetosh një dashuri do të thotë të ‘ndërtoni’ së bashku, duke respektuar gjithnjë lumturinë e tjetrit. Është e vështirë të kuptosh se çfarë ndjen saktësisht një person, të vendosësh veten në vendin e tij pa thënë gjëra që mund ta lëndojnë. Një marrëdhënie nuk është vetëm të shikoni një perëndim dielli së bashku, të shkoni në kinema, të udhëtoni herë pas here ose të flini pranë dikujt në netët e ftohta. Dashuria është më shumë. Është të kesh dikë që përpiqet ta bëjë atë të funksionojë, i cili gjithmonë të mbështet, të kupton, të di si të qetësojë.
Me pak fjalë, dikush që ju mëson ta doni gjithë kohën. Një person që ju bën të fortë, që kupton gjendjet tuaj të brendshme, emocionet tuaja dhe gjithçka që jeni dhe ndjeni. Dikush që ju jep aq shumë dashuri sa është e pamundur të dyshoni për të, të bëni pa të. Nëse takojmë ndonjëherë një person të tillë, e vetmja gjë që duhet të bëjmë është t’i dhurojmë sa më shumë dashuri.
