Me mijëra persona në Britaninë e Madhe kanë dalë të festojnë një ditë pushimi ekstra me rastin e Krishtlindjes, në lokalet e natës.
“Daily Mail” shkruan se në një qytet në veçanti, në Wigan, festa e njohur edhe si “Dita e Boksit” u bë paksa e çuditshme.
Siç shihet edhe në fotografitë e publikuara nga mediat vendase, një pjesë e mirë e atyre që festonin degraduan në vepra banale, për të cilat u nevojit edhe ndërhyrja e policisë e në disa raste edhe ambulanca.
“Dita e Boksit” është kthyer në një festë të përvitshme ku banorët festojnë të veshur me kostume nga më të ndryshmet. Madje një prej tyre ishte veshur si i ndjeri George Michael.