Në kohën e gjysheve tona, natyrisht se kanë munguar shumë përbërës të pastrimit të cilat ne sot mund t’i gjejmë në treg. Megjithatë, pavarësisht mungesës së shumë mjeteve për pastrim, shtëpitë e gjysheve tona kanë shkëlqyer nga pastërtia.
Pastrojeni shtëpinë tuaj me këto këshilla!
Puno me plan
Gjyshja pastronte tollovitë çdo ditë në vend se të presë për një pastrim të madh dhe të përgjithshëm. Krijoni rutinë ditore të pastrimit dhe shtëpia juaj do të duket gjithmonë e pastër.
Peshqir nga pambuku në vend të letrës
Në vend se të përdorni letër higjienike, investoni në peshqirë pambuku që mund t`i përdorni për pastrimin e gotave, stufës apo t`i leni enët të thahen mbi to. Janë një gjë tejet efikase!
Përdorni mjet pastrimi të bërë vet
Gjyshja juaj nuk ka patur detergjentë për pastrim të dritareve dhe pasqyrave andaj edhe ka bërë një përzierje të tillë për të plotësuar nevojat.
1 gotë e gjysmë ujë
1 lugë e gjysmë uthull të bardhë
1 lugë e gjysmë alkool
3 pika vaj esencial nga menta
Ripërtrini çarçafët e njollosur
Gjyshja nuk do të hidhte çarçafët e njollosur por do i njomte me çaj. Shtoni 5 qese të çajit në një kovë me ujë, lëreni 10 minuta dhe më pas hiqni qeset e çajit, vendosni çarçafët dhe lerini të rrinë aty derisa të marrin nuancën e dëshiruar.
Freskoni ajrin në mënyrë natyrore
Përdorni ekstrakt 100% vanilje pasiqë i jep ajrit një aromë natyrore në vend të asaj kemikale. Mund të zhytni topa pambuku në vanilje dhe ti leni diku në dhomë që të aromatizojnë dhomën, për pastrimin e mikrovalës, lëreni një gotë me dy lugë vanilje të nxehet për 30 sekonda pastaj lereni brenda mikrovalës për disa orë.
