Seksi i rastësishëm dhe në gjendje të dehur ka pasoja të rrezikshme, duke filluar nga shtatzënitë e padëshiruara deri te transmetimi i sëmundjeve seksuale.
Jeta e shfrenuar e natës po bën që të shtohen gjithmonë e më tepër rastet kur persona të ndryshëm të përziejnë alkoolin me pijet energjike, çka i çon më pas drejt një marrëdhënieje intime rastësore.
Sipas një studimi të Universitetit të Buffalos, studentët që përziejnë alkoolin me pijet energjike kanë rrezik të shtuar për seks rastësor.
“Përzierja e pijeve energjike me alkool mund të shpijë në konsumim të tepërt të alkoolit, pasi që kafeina e bën më të vështirë ta kuptoni se sa të dehur jeni”, thotë autorja e këtij studimi, profesoresha Kathleen E Miller.
Nuk është e thënë që çdo person që përzien alkoolin me pijet energjike përfundon në krevat, por shanset që të ndodhë një gjë e tillë janë të larta.
