Si ta bësh një mashkull tëndin përgjithmonë - Bota Sot
Si ta bësh një mashkull tëndin përgjithmonë

Life style

E hënë, 19 nëntor 2018

Si ta bësh një mashkull tëndin përgjithmonë

Më: 14 shtator 2018 Në ora: 09:18
Ilustrim

Të gjitha femrat dëshirojnë që të jenë përgjithmonë me mashkullin që e dashurojnë, por kjo nuk ndodh çdoherë. Të kesh një të dashur është punë tjetër dhe ta bësh të jetë i interesuar gjithmonë për ty është punë tjetër.

Të gjitha lidhjet kanë start të mirë, por në mes diku nga gabimi i njërit ose tjetrit lidhja mund të përfundojë me ndarje. Më poshtë i keni disa këshilla se si të jeni gjithmonë tërheqëse.

Mos u bëni posesive dhe e dëshpëruar

-Nëse e keni shprehi të mbështeteni gjithmonë te partneri juaj, ta thirrni atë çdo gjysmë ore, ta pyetni për çdo gjë që ai e bën, atëherë urgjentisht ndalojeni këtë shprehi. Kjo shprehi herët ose vonë do ta bëj atë tuaj të lodhet nga ju dhe t’ju braktis.

Bëhuni praktike dhe realiste

-Një lidhje e suksesshme bazohet në atë se sa mirë ju e kuptoni të dashurin tuaj. Mos harroni se ai dëshiron edhe jetë të lirë. Mos kërkoni nga ai gjithmonë të jetë me ju. Lejojeni pak të marrë frymë. Fundi i fundit largësia e bën dashurinë më të fortë.

Shpreheni dashurinë tuaj

-Partnerit tuaj i duhen fjalët. Beni diçka speciale për të, shkruani një letër dashurie, blijani një dhurate ose bëni ndonjë befasi sipas preferencave të tij. Edhe “Të dua” e thjeshtë mund të bëj çudira. Befasojeni në momentin, që ai më së paku e pret.

Kaloni kohë kualitative

-Komunikimi kualitativ është shumë me rëndësi. Nëse të dy partnerët janë të punësuar, atëherë ata këtë kohë duhet ta bëjnë gjatë fundjavës, ndërsa çiftet e martuara mund të hanë një mëngjes së bashku ose mund të kenë çdo ditë nga një bisedë 10 minutëshe para se të bien në gjumë.

Asnjëherë mos e nxirrni mllefin te partneri juaj

-Në punë ose diku tjetër brenda ditës mund të konsumoni energji negative. Mos e shfrytëzoni rastin që këtë energji ta çlironi te njeriu më i dashur për ju. Në vend të kësaj mund të kërkoni nga partneri juaj një përqafim. Besoni se funksionon.

Vishuni dhe rregullojuni

-Meshkujt i duan femrat e rregulluara. Mbajeni veten të mrekullueshme dhe tërheqëse. Kini kujdes me mënyrën që visheni dhe rregulloheni.

Xhelozia

-Një nga metodat e vërtetuara për të qenë tërheqëse për një mashkull është ta injoroni atë pak dhe ta bëni xheloz duke flirtuar me ndonjë mashkull tjetër të bukur.

Sjellja e përgjithshme

-A është personaliteti dhe sjellja e përgjithshme e jotja ajo që është tërheqëse për të dashurin tënd? Nëse ai gabon mos u hidh menjëherë në sulm, por analizoje gabimin në vete dhe gjithmonë mundohu ti eliminosh të gjitha negativitetet dhe të krijosh sa më tepër veti pozitive.

Sot mund të lexoni Shfletoni kopertinat
Sondazh
test