Qeveria do të iniciojë ndryshime të reja kushtetuese për zgjedhjen e presidentit që të jetë në Kuvend, në rast se opozita vendos të bojkotojë zgjedhjet, thonë nga burimet e qeverisë. Derisa rrjedh procedura për ndryshimet të cilat zgjasin 100 ditë, presidenti i vendit do të jetë kryetari i Kuvendit, Talat Xhaferi, njofton “Faktor”.
Zgjedhjet presidenciale duhet të paraqiten me 2 ose 3 shkurt, ndërsa duhet të mbahen në fund të muajt mars.
OBRM-PDUKM nuk ka paralajmëruar bojkotim, por në rast të tillë nëse nuk ka census për zgjedhjen e presidentit të vendit, nga Qeveria nuk e hedhin poshtë mundësinë e bërjes së ndryshimeve kushtetuese me të cilat do të ndryshohej mënyra e zgjedhjes së presidentit.
Zgjedhjet që të jenë të suksesshme, në raundin e dytë duhet të dalin 40 për qind e atyre të cilët janë të regjistruar në Listën Zgjedhore./
