Nuk do ta besoni sa ditë rresht ka rënë borë në Shkup para 64 viteve - Bota Sot
Nuk do ta besoni sa ditë rresht ka rënë borë në Shkup para 64 viteve

Maqedonia

Nuk do ta besoni sa ditë rresht ka rënë borë në Shkup para 64 viteve

Më: 13 janar 2019 Në ora: 07:32
Pamje nga bora në Shkup

Për historinë e Shkupit janë shkruar kronika të shumta nga historianë të ndryshëm ndër shekuj, por nuk janë të rralla as rrëfimet e më të moshuarve për histori, nga të cilat disa edhe thuaja të pabesueshme për këtë nënqiell, e që kanë ndodhur jo më larg se para gjashtë dekadave.

Image

 

Gjërat më të çuditshme që i kanë ndodhur Shkupit në periudhën e viteve 1955-1963 janë: Bora e pabesueshme që ka rënë plot 105 ditë pa pushuar, vërshimet e mëdha të vitit 1962 dhe gjithsesi ajo që te çdo shkupjan zgjon emocionet më të mëdha kur përmendet viti 1963 – tërmeti katastrofal.

Image

 

Në rrethana shumë të çuditshme në dimrin e vitit 1955/56 në Shkup kaq rënë borë plot 105 ditë pandërprerë. Për këtë dimër të çuditshëm ka shumë pak informata dhe atë shumë pak banorë të moshuar të Shkupit e kujtojnë. Radioja për çdo ditë ka lajmëruar për reshje të reja bore deri në ditën e fundit të stuhisë, e kjo ka qenë dita e 105-të e dimrit të stërzgjatur 1955/56.

Image

 

Burrat për çdo ditë i kanë pastruar rrugët që të mund të shkojnë në punë, ndërsa centimetrat e borës së shtresuar me çdo ditë vetëm janë shtuar. Bllagoja, tani një gjysh, edhe sot e kësaj dite e mban mend mirë këtë kohë për shkak se ka qenë i detyruar që disa kilometra ta mbajë në krahë gruan e vet atëherë të re nga lagjja e Draçevës deri te Spitali i Shtetit për ta lindur vajzën e tyre të parë.

Image

 

Më 16 nëntor 1962 pas reshjeve të mëdha të shiut lumi Vardar e ka vërshuar Shkupin. Lumi ka vërshuar gjithsej 5.000 shtëpi dhe pothuajse të gjitha lagjet kanë qenë nën ujë. Fatmirësisht, nuk ka pasur viktima, porse tragjedinë e vërtetë Shkupi e përjetoi një vit më vonë – më 26 korrik 1963.

Image

 

Mëngjesin e asaj dite, në orën 05:17, një tërmet i fuqishëm e rrafshoi qytetin, duke marrë mbi 1.000 viktima.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...