Ligji për gjuhët, kryeparlamentari Xhaferi nuk konfirmon fuqizimin - Bota Sot
Ligji për gjuhët, kryeparlamentari Xhaferi nuk konfirmon fuqizimin

Maqedonia

Ligji për gjuhët, kryeparlamentari Xhaferi nuk konfirmon fuqizimin

Më: 14 janar 2019 Në ora: 16:20
Talat Xhaferi

Kreu i Kuvendit të Maqedonisë Veriore, Talat Xhaferi nuk konfirmon fuqizimin e ligjit të gjuhëve në gazetën zyrtare brenda kësaj jave, ashtu siç bëri të ditur një ditë më parë zëvendëskryeministri Bujar Osmani.

“Edhe pse tentuam, nuk arritëm që të siguronim një sqarim nga kabineti i kreut të Kuvendit Talat Xhaferi sa i takon fuqizimit të ligjit për gjuhët. Jo zyrtarisht mësohet se qëndrimi i Xhaferit nuk është akoma i prerë nëse do ta dërgojë ose jo brenda javës për publikim në Gazetën Zyrtare ligjin për përdorimin e gjuhëve,”.

Xhaferi në vazhdimësi kishte paralajmëruar publikimin në Gazetën Zyrtare të ligjit për gjuhët dhe ligjit për ratifikimin e Marrëveshjes me Greqinë, edhe pse presidenti Gjorge Ivanov ka refuzuar t’i dekretojë.

“Unë ju kam thënë që unë nuk vuaj nga afatet për faktin që nuk jam i ngushtuar nga afatet dhe është çështje e vlerësimit tim se kur është momenti për me e nënshkruar dhe me dërguar ligjin për gjuhët së bashku me ligjin për ratifikimin e Marrëveshjes me Greqinë në Gazetën zyrtare”, tha Talat Xhaferi, kryetar i Kuvendit.

Ligji për gjuhët u miratua më 11 janar të vitit të kaluar në situatë të tensionuar mes deputetëve.

Pas votimit në lexim të dytë me 69 vota për, Ivanovi nuk e dekretoi me arsyetimin se i ky ligj është në kundërshtim me Kushtetutën dhe se është sjellë  në kundërshtim me rregulloren e Kuvendit.

Sipas procedurës, ligji u kthye për rivotim në institucionin ligjvënës. Në lexim të tretë, ai përsëri mori miratimin e shumicës së deputetëve. Pavarësisht kësaj, George Ivanov ka vazhduar të mos e nënshkruajë Ligjin për përdorimin e gjuhëve.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...