Deskoska: Jam për zgjedhje të parakohshme parlamentare

Maqedonia

Deskoska: Jam për zgjedhje të parakohshme parlamentare

Më: 19 janar 2019 Në ora: 00:31
Renata Deskoska

Ministrja e Drejtësisë, Renata Deskoska personalisht vlerëson se së bashku me zgjedhjet presidenciale duhet të mbahen edhe zgjedhje të parakohshme parlamentare, njofton televizioni “Alsat-M”.

Këtë deklaratë ajo e bëri në një intervistë për emisionin “360 gradë”. Deskoska është funksionarja e parë e qeverisë e cila në mënyrë të hapur është në favor të mbajtjes së zgjedhjeve të parakohshme ashtu siç kërkon opozita.

Në pyetjen e bërë se a duhet të ketë zgjedhje të parakohshme parlamentare, Deskoska u përgjigj se “sinqerisht, unë mendoj se duhet të ketë, por në fund kjo është çështje e vendimit politik dhe analizës në kuadër të organeve”.

Ajo gjithashtu tha se do ta përfaqësoj palën se duhet të shkohet në zgjedhje parlamentare për shkak se disa politika të caktuara që realisht i promovuam gjatë periudhës së kaluar dhe disa çështje të caktuara që do të duhet t’i zgjidhim do të ishte mirë që të jemi me, në njëfarë mënyre, pozicione më të pastra në kuadër të Kuvendit.

Sot mund të lexoni Shfletoni kopertinat