OBRM-PDUKM dhe LSDM nuk duan të merren vesh për një njësi zgjedhore - Bota Sot
OBRM-PDUKM dhe LSDM nuk duan të merren vesh për një njësi zgjedhore

Maqedonia

OBRM-PDUKM dhe LSDM nuk duan të merren vesh për një njësi zgjedhore

Më: 23 janar 2019 Në ora: 19:38
Ilustrim

Thirrjet e shumta nga partitë më të vogla për ndryshime në Kodin Zgjedhore ku do të vendoset një njësi zgjedhore dhe lista të hapura për votim, duket se i prekin partitë e mëdha. Nga OBRM-PDUKM nuk deklarohen nëse mbështesin këtë, ndërsa nga LSDM për dy vite thonë se janë të gatshëm për modelin zgjedhore, por presin pajtueshmëri nga partitë tjera.

“LSDM për një kohë të gjatë ka qëndrim të definuar për këtë çështje dhe natyrisht se është e pranueshme ndryshimi i modelit zgjedhor nga disa njësi në një njësi zgjedhore, ku do të sigurohet barazia e votës për të gjithë qytetarët e shtetit, por edhe do të mbyllen debatet joproduktive për ndryshime të kufijve të njësive zgjedhore. Kuptohet, për këtë çështje të madhe është i nevojshëm ndërtimi i konsensusit dhe pajtueshmëri nga subjektet politike të tjera. LSDM mbetet në qëndrimin për ndryshimin e modelit zgjedhor, që ishte pjesë e programit zgjedhor Plan për jetesë dhe është e gatshme për ndryshime në Kodin Zgjedhor, nëse kjo ide është e pranueshme për partitë tjera”, thonë nga LSDM.

OBRM-PDUKM nuk zbulon se cilat janë pozicionet e tyre me arsyetimin se s’është temë dite në tryezën mes Qeverisë dhe opozitës.

“Sa i përket modelit për njësi zgjedhore dhe lista të hapura theksuam se do ta hapim çështjen dhe jemi të gatshëm të bisedojmë kur do të hapet debati për ligjin e zgjedhje. Ne jemi të gatshëm të bisedojmë, argumentojmë dhe të hapim debat më të gjerë”, thonë nga OOBRM-PDUKM.

Deklratat e fundit të BDI-së për këtë çështje ishin se ato mbështesin lista të hapura por për një njësi zgjedhore është e nevojshme analizë më e thellë, ku do të përfshihen karakteristikat shoqërore të shtetit dhe se modeli ekzistues është më përfaqësues në krahasim me modelet tjera.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...