Profesori universtar Bashkim Selmani Bashkim Selmani, ka thënë se Maqedonisë nuk i nevojten zgjedhje të parakohshme por zhvillim i shpejtë ekonomik dhe mirëqenie për qytetarët. Në një prononcim për TVM2, ai konsideron se vendit i nevojiten reformat që dalin nga proceset për integrim në NATO dhe përpjekjet për marrjen e datës për fillimin e negocioatave për antarësim në BE.
"Me zgjedhje qytetarët vazhdimisht kanë humbur dhe asnjëherë nuk kanë fituar. Zgjedhjet presidencilae nuk do ta pengonin agjendën institucionale por përvoja e deritanishme ka treguar se kur shkohet në zgjedhje kuvendare, ka bllokim total të institucioneve që pengojnë realizimin e të drejtave të qytetarëve por edhe zbehin funksionimin në nivel ndërkombëtar sa i përket funksionimit të R.M-së", tha Bashkim Selmani, analist.
Edhe eksperti për çështje juridike, Naser Zyberi konsideron se vendi duhet ti përkushtohet reformave sic janë sundimi i së drejtës,reformave në gjyqësi luftimin e korrupcionit dhe nuk është momenti i duhur për zgjedhje të parakohshme. Por nëse Qeveria merr vendimin, atëherë vendi do të duhet që paralelisht të mbajë dy procese zgjedhore, presidencialet dhe zgjedhjet e parakohshme parlamentare.
"Meqë Maqedonia ka model proporcional të votimit me një raund do përbyllej cikli zgjedhor, raundi i dytë i zgjedhjeve presidenciale dhe ato parlamentare me këtë do arrihej racionalizim i shpenzimeve por e përsëris se Maqedonia ka nevojë për ndryshime për një jetë më të mirë për qytetarët dhe përmbylljen e obligimeve për integrim në nato dhe BE", tha Naser Zyberi.
Sipas analistëve tani është koha që vendi të përkushtohet për një zhvillim më të hovshëm ekonomik dhe sigurimin e një standardi më të mirë jetësor për qytetarët.