Gjithsej 53 deputetë votuan për nenin e ri në Ligjin për Rroga të Deputetëve me të cilin parashihet që deputeti ta humb të drejtën e kompensimit nëse është i dënuar me dënim me burg më shumë se gjashtë muaj. Asnjë deputet nuk ishte kundër këtij ndryshimi të Ligjit. Me këtë vendim ish-kryeministri Nikolla Gruevski mbetet pa rrogën e deputetit, si i dënuar në rastin "Tank".
Kryetari i Kuvendit, Talat Xhaferi votoi “i përmbajtur”.
“Unë jam i bindur në vendimin e Ligjit dhe për atë arsye jam i përmbajtur, por jam i detyruar t’i respektoj procedurat e kuvendit”, tha Xhaferi.
Ndryshimi i ligjit thotë:
“Nëse deputeti është i dënuar me aktvendim fuqiplotë me dënim me burg prej gjashtë muajsh e më shumë, e humb të drejtën e marrjes së rrogës, të ardhurave tjera personale dhe kompensimeve të harxhimeve”.
Dorëzues të propozimin ishin Snezhana Kalleska Vançeva, Goran Misovski, Muhamed Zeqiri, Sonja Mirakovska, Rexhep Memedi dhe Rexhail Ismaili.
