Kryeministri Zoran Zaev bashkërisht me zëvendës kryeministrin Bujar Osmani, ministrin e Financave, Dragan Tevdovski dhe ministrin Venko Filipçe sot kishte takim me kancelarin e Republikës së Austrisë, Sebastian Kurz.
Siç njoftojnë nga shërbimi qeveritar për shtyp, kryeministri Zaev dhe kancelari Kurz u pajtuan se Republika e Maqedonisë, përkatësisht së shpejti Republika e Maqedonisë së Veriut dhe Republika e Austrisë mbajnë marrëdhënie të shkëlyqeshme bilaterale si në planin politik ashtu edhe në plan ekonomik.
Kryeministri Zaev në takim e falënderoi homologun austriak për mbështetjen e vazhdueshme që Republika e Maqedonisë e merr nga Republika e Austrisë dhe ceku përkushtimin e vendit për zbatimin e marrëveshjes së Prespës. Nga ana tjetër kancelari Kurz përshëndeti guximin e kryeministrit Zaev por edhe të gjithë vendit për nënshkrimin e marrëveshjes së Prespës, që siç tha i, është lajmi më i mirë jo vetëm për rajonin por për gjithë Evropën.
Kancelari Kurz ceku se interesi i Austrisë është që rajoni i Ballkanit Perëndimor sa më shpejt të integrohet në Bashkimin Evropian.
Pas takimit kryeministri Zaev dhe kancelari Kurz mbajtën konferencë për shtyp ndërsa kryeministri tha se Austria është një ndër miqtë më të mëdhenj të Republikës së Maqedonisë në plan ekonomik, për shkak se është një nga investitorët më të mëdhenj duke cekur se në Maqedoni, për momentin punojnë 45 kompani austriake./
