Rektori i UNT-së, Aziz Pollozhani e shkel ligjin për deklarim të pasurisë në Komisionin Anti-Korrupsion - Bota Sot
Rektori i UNT-së, Aziz Pollozhani e shkel ligjin për deklarim të pasurisë në Komisionin Anti-Korrupsion

Maqedonia

Rektori i UNT-së, Aziz Pollozhani e shkel ligjin për deklarim të pasurisë në Komisionin Anti-Korrupsion

Më: 8 shkurt 2019 Në ora: 13:03
Aziz Pollozhani

 

Numri i zyrtarëve dhe punëtorëve të institucioneve publike  me pozita të larta në Maqedoni të Veriut të cilët po e shkelin ligjin me mos deklarimin e pasurisë është i madh, e në mesin e tyre është e Rektori i Universitetit Nënë Tereza (UNT) Aziz Pollozhani, thanë zyrtarët e Komisionit Shtetëror për Parandalimin e Korrupsionit.

Të tillët sipas ligjit parashihet që të ndëshkohen  me gjoba financiare për shkak se nuk e kanë plotësuar dhe dërguar në këtë komision formularin e deklarimit të pasurisë së tyre, kanë sqaruar zyrtarët e këtij komisioni, e në mesin e tyre është edhe rektori në fjalë.

"Aziz Pollozhani rektor i UNT nuk e ka paraqitur pasurinë e tij në Komisionin për Anti-korrupsion,” tha për Zhurnal Rozeta Trajan,  Sekretare e Përgjithshëm në Komisionin për Anti-korrupsion.

Pollozhani është emëruar në postin e rektorit në UNT në Prill të vitit 2018, deri kur ai ishte si ushtrues-detyre.

Mirëpo sipas Rozeta Trajan, që të gjithë, përfshirë edhe Pollozhani, të cilët e kanë shkelur ligjin e vitit të kaluar pritet që të përballen me gjoba të ligjit të ri  të vitit 2019 të cilat janë më të ulëta sesa që parashihte ligji i mëparshëm në fuqi deri në fund të vitit 2018.

“...Dhe sipas nenit 109 të ligjit me numër 12 të gazetës zyrtare të Maqedonisë të vitit 2019, personi i cili në afat prej 30 ditësh që nga emërimi i tij nuk paraqet pasurinë, parashihet dënim me gjobë prej 300 deri në 500 euro,” tha zonja Trajan.

E ligji i mëparshëm, pra ai në fuqi edhe në vitin 2018, parashihte gjoba prej 2000 deri në 6000 Euro.

Trajan tha se Komisioni Shtetëror për Anti-Korrupsion pritet që “së shpejti të iniciojë procedurat” e ndëshkimit financiar për të gjithë ata zyrtarë dhe të punësuar të institucioneve publike të cilët nuk e kanë deklaruar pasurinë siç parasheh ligji.

Mbetet e paqartë pse personat të cilët e kanë thyer ligjin për deklarim të pasurisë deri në vitin e kaluar do të ndëshkohen me gjobat e parapara sipas ligjit të ri (pra 2019) e jo sipas gjobave të ligjit i cili ishte në fuqi në kohën kur edhe është shkelur ai nga të njëjtit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...