Për vetëm dy ditë, deputetja e LSDM-së, Mira Stojçevska ka arritur që t’i punësojë djalin në ELEM, vëllain në TEC Manastir dhe ta avancojë bashkëshortin e tij në komandant të Policisë së Pyjeve në Dellçevë, shkruan MKD.
Ilo Stojçevski, bashkëshorti i deputetes së LSDM-së, nga janari është bërë komandant i Policisë së Pyjeve.
Jo-zyrtarisht nga Pyjet e Maqedonisë e konfirmojnë këtë informatë, por nuk japin detaje për arsyen e avancimit të tij.
Ndryshe, pas punësimit të familjarëve të deputetes e cila ka përfituar më së shumti harxhime rrugore, gjegjësisht 12.000 euro në vit, e njëjta e ka marrë epitetin nga qytetarët si “Mira dizel” dhe tani kanë filluar dhe talljet nëpër rrjetet sociale.
Njëra ndër talljet më interesante thotë:
“Sot është Shën Mira Dizel, mbrojtja e shpalljeve për punë. Shpërndaje ikonën nëse edhe ti kërkon punë. Ridërgoje te dhjetë shokë që të kesh sukses gjatë punësimit…”.
