Ngrihet peticion kundër profesoreshës maqedonase që i bëri komentet shoviniste për aksidentin tragjik - Bota Sot
Ngrihet peticion kundër profesoreshës maqedonase që i bëri komentet shoviniste për aksidentin tragjik

Maqedonia

Ngrihet peticion kundër profesoreshës maqedonase që i bëri komentet shoviniste për aksidentin tragjik

Më: 14 shkurt 2019 Në ora: 18:04
Biljana Vankovska

Derisa tërë vendi është në zi për fatkeqësinë në të cilën humbën jetën 14 persona, ndërkaq dhjetëra të tjerë u lënduan, profesoresha universitare për “Paqe dhe siguri”, Biljana Vankovska, nëpërmjet gjuhës së urrejtjes, për të cilën tashmë është e njohur, në mënyrë cinike, ka ironizuar me këtë tragjedi, e realizon dëshirën e saj patologjike për shkaktim të urrejtjes nacionale dhe fetare.

Kështu thuhet në përshkrimin e një peticioni të nisur nga Albert Hani, drejtor i Zyrës Rajonale për Bashkëpunim Rinor, në lidhje me fjalorin kontrovers të Vankovskës për rastin tragjik ku humbën jetën 14 persona.

Në peticion gjithashtu theksohet se “ajo qartë e shprehë kënaqësinë e saj në lidhje me këtë tragjedi, duke menduar se shumica e tyre janë shqiptarë dhe duke e lidhur këtë ngjarje me një ngjarje gjithashtu ngjarje tragjike që ka ndodhur në konfliktin e vitit 2001 në afërsi të vendit Karpallëk, ku ushtarë të etnitetit maqedonas e kanë humbur jetën, gjithashtu në autobus”.

Në komentin e saj në Fejsbuk, Vankovska shkruan:

“Çfarë tragjedie dhe ironie: Karpallak!”.

Personat që do të nënshkruhen në këtë peticion pajtohen me kërkesat e mëposhtme:

Kërkojmë nga institucionet universitare në të cilat ajo punon të distancohen dhe ta dënojnë këtë gjuhë të urrejtjes si në të kaluar, ashtu edhe tani.

Kërkojmë nga strukturat universitare që ta suspendojnë nga puna për shkak të shpërndarjes së gjuhës së urrejtjes dhe racizmit.

Kërkojmë nga institucionet shtetërore, urgjentisht ta largojnë nga çdo angazhim publik nga të cilat ajo financohet nga mjetet e tatimpaguesve.

Kërkojmë nga Avokati i Popullit ta analizojë gjuhën e urrejtjes që e ka përdorur në të kaluarën dhe tani, të përgatit raport për mundësinë që të largohet nga administrata publike.

Kërkojmë nga Prokuroria që ta ndjek për inicim të urrejtjes nacionale dhe fetare dhe ta informojë opinionin për hapat e ndërmarra.

Kërkojmë që personi të largohet nga pozita zyrtare në lidhje me paqen dhe çdo pozitë në lidhje me paqen dhe çdo funksion i cili paraqet interes publik.

I nxisim të gjithë organizatat ndërkombëtare urgjentisht të distancohen nga çdo hulumtim akademik ose projekt të cilat ajo do të ketë mundësi për shpërndarje të gjuhës së urrejtjes.  Të interesuarit që duan ta nënshkruajnë peticionin, këtë mund ta bëjnë: KËTU

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...