Zaev: Presim vizitën e Cipras në mars ose në prill

Maqedonia

Zaev: Presim vizitën e Cipras në mars ose në prill

Më: 16 shkurt 2019 Në ora: 16:45
Foto

“Tani edhe zyrtarisht jemi Maqedonia e Veriut, ndërruam shumë simbole në tërë vendin tonë dhe gjithsesi e presim vizitën e parë të Aleksis Cipras, ndoshta në mars ose prill kur është më së miri për të. Pastaj unë do ta vizitoj Athinën, diçka që është shumë e mirë, sepse shpesh herë e vizitoj Selanikun dhe me siguri do ta vizitoj sërish. Por, në Athinë, do të vij për herë të parë me aeroplanin qeveritar në të cilin do të shkruajë “Republika e Maqedonisë së Veriut”, që t’u tregoj miqve tanë nga Greqia, nga Maqedonia greke, se ne i përmbahemi marrëveshjes dhe duam marrëdhënie miqësore me fqiun jugor”, thotë Zaev.

Kryeministri për IBNA flet edhe për çmimin që sonte, në Konferencën e sigurisë së Munihut, do t’i dorëzohet atij dhe homologut të tij grek për Marrëveshjen e Prespës. Thotë se është nder i madh dhe e jeton njërën nga ëndrrat e tij”, Greqia të jetë vend miqësor.

“Nder i madh është që do ta marrim këtë çmim nga Konferenca për siguri në Munih, njëra nga konferencat më të rëndësishme botërore. I rëndësishëm është fakti që jemi shembull pozitiv, duke i treguar botës se përmes praktikave dhe sjelljes evropiane, mund të arrihen marrëveshje, madje edhe për çështje të ndjeshme siç është emri i një vendi, identiteti i veçantë i të dy vendeve dhe si ndërtohen miqësitë për të ardhmen e mënyrës miqësore dhe duke hapur dyer për gjeneratën e re, për fëmijët tanë”, sqaron Zaev, për Agjencinë e pavarur gazetareske ballkanike, transmetoi MIA.

Ai shton se dëshiron të realizohen projektet e lidhura me projekte në energjetikë dhe infrastrukturë, të hapen vendkalime të reja kufitare, “që qytetarët tanë të udhëtojnë në Detin Egje, ndërsa qytetarët grek të vijnë për biznes”.

commentFirst article
Sot mund të lexoni Shfletoni kopertinat