Durllovski në Gjykatë: Nëse e kam ditur skenarin e 27 prillit, më dënoni - Bota Sot
Durllovski në Gjykatë: Nëse e kam ditur skenarin e 27 prillit, më dënoni

Maqedonia

Durllovski në Gjykatë: Nëse e kam ditur skenarin e 27 prillit, më dënoni

Më: 19 shkurt 2019 Në ora: 11:57
I akuzuari Igor Durllovski

Sot në Gjykatën Penale në Shkup është mbajtur seancë gjyqësore për ngjarjet e përgjakshme të 27 prillit në Kuvendin e Maqedonisë, në të cilën fjalët përfundimtare i kanë thënë disa nga të akuzuarit.

I akuzuari Igor Durllovski ka thënë se më 27 prill 2017 ka kënduar himnin e Maqedonisë dhe me djalin e tij është larguar për të shikuar hendboll në sallën “Jane Sandanski”. Ai tha se pasi ka parë në internet se qytetarët po mblidhen në Kuvend, është kthyer edhe ai.

“Nëse për atë kam që kam qenë në Kuvend meritoj dënim ashtu siç thotë Prokuroria, atëherë më dënoni. Përveç pranisë sime atje, tjetër gjë nuk do të vërtetoni”, tha Durllovski.

Këngëtari i operës është i akuzuar se gjatë protestave të organizatës “Për Maqedoni të përbashkët” ka mbajtur fjalime nxitëse dhe ka protestuar për përfitime materiale.

Durllovski këtë e mohoi para gjykatës, duke thënë se ndjehet i ofenduar nga Prokuroria dhe se ato janë gënjeshtra dhe të pavërteta.

Pas Ligjit për amnisti të cilin e propozoi Qeveria dhe e miratoi Kuvendi, Durllovski tha se nuk do të kërkojë amnisti dhe se drejtësinë do ta kërkojë përmes gjykatave.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...