Komisioni parlamentar për Çështjet e mandateve dhe imunitetit diskuton kërkesën për aprovimin e paraburgimit të deputetit Trajko Veljanovskit, të paraqitur nga Gjykata Penale për krim të organizuar dhe korrupsion, për shkak të dyshimit për përfshirje në ngjarjet e 27 prillit të vitit 2017.
Gjatë seancës dëgjoheshin opinione të ndryshme të anëtarëve të Komisionit.
Deputetët e opozitës besojnë se nuk ka arsye për t’ia hequr mandatin e Veljanoskit, dhe siç thanë ata, vetëm në bazë të kërkesës së gjykatës që nuk ka ndonjë dokument tjetër dhe se ky është një proces i motivuar politikisht.
Deputetët nga ana e shumicës qeverisëse thanë se Komisioni duhet të diskutojë kërkesën e gjykatës dhe të marrë një vendim. Nuk është e jona, thanë ata, të vlerësojmë aktakuzën, sepse atë do ta bëjë Gjykata. Ata mendojnë se ngjarjet e 27 prillit duhet të pastrohen plotësisht dhe se vetëm në këtë mënyrë do të ketë një shtet ligjor.
