Partia opozitare maqedonase VMRO-DPMNE, përmes një kumtese për media kërkon që gjykata të shqyrtojë vendimet për paraburgosjen e Spiro Ristovskit, Mile Janakieskit dhe Hristijan Dellevit.
Nga kjo parti thonë se anëtarët të “Grupit të Kumanovës” për çdo ditë dërgojnë mesazhe kërcënuese për anëtarët e kësaj partie që ndodhen në burg.
“Kjo hap dyshime serioze se kërcënimet e shpeshta nuk janë të rastësishme dhe nuk janë pa mbështetje nga strukturat e pushtetit. Është e qartë që pushteti nuk e ka ndërmend të merr asgjë kundër atyre që kërcënojnë”, thonë nga VMRO-DPMNE.
Ata shtojnë se “përndjekja politike që ndodh në Maqedoni është turp, për një vend që quhet demokratik dhe pretendon të jetë anëtare e Bashkimit Evropian”.
