Grubi: Bëra me dorë të ndalohet fjalimi i Micovskit, jo Xhaferi ta ndalojë seancën

Maqedonia

Grubi: Bëra me dorë të ndalohet fjalimi i Micovskit, jo Xhaferi ta ndalojë seancën

Më: 25 shkurt 2019 Në ora: 14:48
Deputeti i BDI-së, Artan Grubi

Deputeti i BDI-së, Artan Grubi mohon që gjatë seancës së mbrëmshme për heqjen e imunitetit të ish kryetarit të Kuvendit, Trajko Veljanovski, ka sinjalizuar me dorë kryeparlamentarin Talat Xhaferi, që ta ndërpresë seancën pasi që ka kaluar afati.

“Prej nga e nxorët se i kam sinjalizuar? Atëherë dora ime paska thënë atë që e thoni? Më së paku pres nga gazetarët e shkolluar që të merren me lajme të rrejshme në bazë të një besimi imagjinar, ku dëgjuat se kam kërkuar diçka të tillë?”, pyeti Grubi gazetarët, pasi që ata e pyetën se pse ka kërkuar nga Xhaferi ta ndërpret seancën në të cilën do të hiqej imuniteti i Velajnovskit.

Siç thotë ai, me ngritjen e dorës ka kërkuar që të ndalohet fjalimi i koordinatorit të VMRO-DPMNE-së dhe të hidhet vendimi në votim.

“Ajo nënkupton që t’ia ndërpres fjalimin koordinatorit të VMRO-DPMNE-së dhe të bëhet votimi”, shtoi Grubi.

commentFirst article
Sot mund të lexoni Shfletoni kopertinat