Bullgaria dhe Maqedonia e Veriut kanë potencial që së shpejti shkëmbimi tregtar midis tyre të arrijë 1 miliard euro, por ka shumë punë për t’u bërë për konektivitetin, miqësinë, kontaktet biznes, krijimin e pikave të reja kufitare.
Këtë e tha presidenti Rumen Radev pas takimit në Sofje me ministrin e jashtëm maqedonas Nikolla Dimitrov. Rruga më e shkurtër dhe pa probleme e Maqedonisë së Veriut drejt BE-së është respektimi i fakteve historike, mendon zoti Radev.
Lidhur me këtë ai insistoi para mikut të tij që në Maqedoninë e Veriut botimi i veprave të krijuesve bullgarë të Rilindjes dhe të shkrimtarëve të kohës sonë, të bëhet pa ndryshimin e teksteve.
