Kryeministri i Republikës së Maqedonisë së Veriut sot gjatë vizitës zyrtare në Rumani u prit nga kryeministrja e Rumanisë Vorika Dançila. Por, pas aterimit të avionit të qeverisë në aeroportin e Bukureshtit nga fotografitë e publikuara nga qeveria, vërehet se avioni i qeverisë tashmë mban mbishkrimin emrit të ri të shtetit, respektivisht Republika e Maqedonisë së Veriut.
Ndryshe, pas takimit kryeministrja e Rumanisë ka njoftuar kryeministrin Zoran Zaev se kanë filluar procedurat për ratifikimin e Protokollit për anëtarësim të shtetit tone në NATO. Në një deklaratë për media ajo ka deklaruar se pret që së shpejti ky proces të rrumbullakohet dhe se Republika e Maqedonisë së Veriut në një kohë sa më të shpejtë do të jetë anëtarja e 30 e Aleancës.
