Të nderuar qytetarë, gazetarë të respektuar,
Gjorge Ivanov, njëjtë si Hrisitijan Mickosi hesht për rastin aktual me punësimet e vajzës të këshilltares së tij dhe dyshimet për nepotizëm gjegjësisht përplasjes së interesave. Siç e kaloi tërë mandatin me heshtje.
“Qytetarët presin përgjigje dhe ndërmarrjen e përgjegjësisë”, thuhet në kumtesën e Kostadinovit.
Anastasija Ilieska, anëtare e Komitetit Qendror të VMRO-DPMNE-së, të Unionit të grave, ish këshilltare shtetërore në Ministrinë e Punëve të Brendshme dhe drejtoreshë në DAP, e punësuar si këshilltare për siguri në kabinetin e Ivanovit.
Vajza e saj, Andrea Ilieska megjithatë është e punësuar në Agjencinë për kundërzbulim, institucion, që është nën kompetencë të drejtpërdrejtë të Gjorge Ivanovit.
Duke pasur parasysh këto informacione, për këtë rast aktual në Kabinetin e Ivanovit ekzistojnë dyshime për konflikt interesash.
Krahas vajzës, në një institucion shtetëror është punësuar edhe vëllai i Ilieskës, Aleksandar Toshevski, i cili është i punësuar në Regjistrin Qendror në Prilep.
Duhet t’u bëjë thirrje të afërmeve të Ilieskës të tërhiqen nga vendet e punës, në emër të luftës kundër nepotizmit.
Është mirë që Komisioni shtetëror për parandalimin e korrupsionit hap raste. I presim vendimet e këtij trupi të pavarur.
Paralajmërojmë se do të dorëzojmë parashtresa për të gjitha rastet tjera të punësimit të të afërmve të funksionarëve të VMRO-DPMNE-së.
LSDM ofron zgjidhje dhe tashmë kanë filluar tërheqjet e para. Është koha të fillojë tërheqja e të afërmve të funksionarëve të VMRO-DPMNE-së, në emër të luftës kundër nepotizmit.
Kostadin Kostadinov, zëdhënës i LSDM-së dhe deputet
