Lëvizja BESA përmes një njoftimi në media falënderon aktivistët për mbledhjen e nënshkrimeve për kandidatin Blerim Reka.
“Pas një mobilizimi shumë të madh nga gjitha strukturat për mbledhjen e nënshkrimeve për kandidatin e vetëm shqiptar në zgjedhjet presidenciale, Blerim Reka, Lëvizja BESA falënderon të gjithë aktivistët por edhe qytetarët e tjerë që dhanë kontributin e tyre për kandidatin shqiptar. Mbledhja e nënshkrimeve në një kohë rekorde, tregon se kandidati i përkrahur nga opozita shqiptare Lëvizja BESA dhe Aleanca për Shqiptarët është një zgjidhje e duhur dhe se shqiptarët me 21 prill do të kenë mundësi për të votuar njeriun e duhur për president të vendit”, theksojnë në BESA.
