Nga partia opozitare VMRO-DPMNE kanë reaguar ndaj vdekjes së foshnjës dy vjeçare dje në Shkup, ku thonë se ministri i Shëndetësisë, Venko Filipçe është sëmundja më serioze për shëndetësinë në Maqedoni.
“Venko Filipçe është sëmundja më serioze e shëndetësisë në Maqedoni. Dje ndërroi jetë edhe një fëmijë dy vjet e gjysmë nga bakteriet infektuese. Gjatë periudhës së kaluar kanë ndërruar jetë disa persona nga gripi, ndërsa ende nuk është shpallur epidemia”, akuzojnë nga VMRO-DPMNE.
Nga atje thonë se epidemia e fruthit po zgjerohet në tërë vendi, ndërsa përgjegjësi për përballjen me këtë katastrofë nuk ka.
Nga VMRO-DPMNE akuzojnë se menaxhimi i Filpçes me shëndetësinë ka krijuar kaos.
“Në Maqedoni kemi ministër të shëndetësisë biznesi i të cilit është vendosur para interesave të shëndetit të qytetarëve. Tenderët e gjakosur të Filipçes janë më të rëndësishme se jeta e pacientëve”, deklarojnë nga VMRO-DPMNE.
