Zaev-Ruçi: Dialogu është i rëndësishëm për zhvillimin demokratik dhe për perspektivat evropiane - Bota Sot
Zaev-Ruçi: Dialogu është i rëndësishëm për zhvillimin demokratik dhe për perspektivat evropiane

Maqedonia

Zaev-Ruçi: Dialogu është i rëndësishëm për zhvillimin demokratik dhe për perspektivat evropiane

Më: 13 mars 2019 Në ora: 18:11
Zaev - Ruçi

Kryeministri i Republikës së Maqedonisë së Veriut, Zoran Zaev në kuadër të vizitës së tij zyrtare në Republikën e Shqipërisë u takua me kryetarin e Kuvendit të Republikës së Shqipërisë, Gramoz Ruçi.

Marrëveshja e Prespës u cek si marrëveshje historike që i hapi perspektivat historike të Maqedonisë së Veriut në NATO, ku edhe u dha mbështetja e plotë për integrimet e Maqedonisë së Veriut.

Zaev falënderoi për ratifikimin e shpejtë të protokollit për hyrje të Republikës së Maqedonisë së Veriut në NATO në Kuvendin e Shqipërisë dhe ceku se qytetarët kanë nisur t’i ndjejnë përfitimet.

“Thyem çdo rekord për investimet e huaja, është rritur BVP-ja, është ulur papunësia, rriten pagat. Tani duhet t’i përmbushin reformat kyçe. Presim BE t’i vlerësojë këto rezultate të Republikës së Maqedonisë së Veriut në qershor”, tha Zaev.

Ai shprehu se përgjegjësia është edhe e pushtetit edhe e opozitës. Në mbledhje u theksua se dialogu është i rëndësishëm për zhvillimin demokratik të shteteve dhe perspektivave të tyre evropiane.

Në takim u theksua se qeveritë e dy vendeve punojnë në mënyrë intensive për bashkëpunimin ekonomik.

Përndryshe, kryeministri Zoran Zaev është për vizitë zyrtare në Tiranë me zëvendëskryeministrin e Qeverisë për Çështje Evropiane, Bujar Osmanin, ministrin e Punëve të Jashtme, Nikolla Dimitrov dhe zëvendësministrin, Vlladimir Lazovski.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...